Juan 15:12 - Ing Mayap a Balita Biblia

¹² Iti ya ing utus ku: mikakalugud kayu anti ing pamaglugud ku kekayu.

Juan 15:12 Iomraidhean Croise

Malakias 1:2

Nganang sasabi ning Ginu karing memalen na, Pepakitanan da kayung lugud. Oneng mekibat la, Makananu mung pepakit ing lugud mu kekami? Mekibat ya ing Ginu, Mikapatad la ri Esau at Jacob, oneng liguran ke i Jacob ampon ding lahi na,

Juan 13:34

Babie ke kekayu ing metung a bayung kautusan: mikakalugud kayu. Nung makananu da kayung liguran, makanyan kayu namang mikakalugud.

Juan 15:17

Iti ya ing yuyutus ku kekayu: mikakalugud kayu.

Roma 12:10

Mikakalugud kayu antimo ding mikakapatad, at mikamaragul kayu sanang kagalangan king metung at metung.

Efeso 5:2

Mibiebie kayung mitmung lugud antimo i Cristo; uli na ning kaluguran na katamu, inain na ing bie na bilang mabanglung ain at sakripisyung makaligaya king Dios.

1 Tesalonica 3:12

Mananu na sanang paragulan na at palablaban na ning Ginu ing kekayung lugud king metung at metung at karing sablang tau, antimo ing lugud mi kekayu.

1 Tesalonica 4:9

E na kailangan ing sulatanan na kayu pa ning ninuman tungkul king pamaglugud karing kapatad king kasalpantayanan, uling tiru na na ning Dios kekayu nung makananu kayung mikakalugud.

2 Tesalonica 1:3

Kapatad, kailangan ing parati keng pasalamat king Dios king uli yu. Matulid ing daptan mi iti uling manatiling susulung ing kekayung kasalpantayanan king Dios at susulung antimu rin ing lugud yu king metung at metung.

1 Pedro 1:22

Ngening ikua yung melinis king kapamilatan na ning pamanupad yu king katutuan, at ikua yung mika tapat a lugud karing kapatad yu king kasalpantayanan, manatili kayu sanang mikakalugud kayabe na ning mabilug yung pusu.

1 Pedro 3:8

Katataulian, sukat kayung mikakasundu at midadamayan. Mikakalugud kayu antimo ding mikakapatad at maging maganaka ampon magpakumbaba king metung at metung.

1 Pedro 4:8

Maygit king sabla, mikakalugud kayung mitmung katapatan uling patawaran na ning lugud ing dakal a kasalanan.

1 Juan 3:23

Iti ya ing kautusan na: maniwala tamu king lagyu na ning Anak nang i Jesu-Cristo at mikakalugud tamu antimo ing inutus nang Cristo.

1 Juan 4:21

Iti ya ing kautusan a binie na kekatamung Cristo: ing taung lulugud king Dios sukat nia namang luguran ing kapatad na.

2 Juan 1:5

At ngeni, kalugud-lugud a Ima, atin kung aduan keka: mikakalugud tamu itamung sabla. E ya bayung kautusan ing susulat ku keka, nune ya naman ing sadiang kautusan a ibat pa king kapupurmeruan atyu na kekatamu.