Juan 15:11 - Ing Mayap a Balita Biblia

¹¹ Sinabi ku la kekayu deting bage ban manatili kekayu ing tula ku at miganap ing tula yu.

Juan 15:11 Iomraidhean Croise

Isaias 53:11

Kaybat ning bie nang mitmung kasakitan, pasibayu yang mika kaligayan; abalu na king e mewalang kabaldugan ing keyang kasakitan. Ing tapat kung talasuyu a tutu kung pitutulan tanggapan na ing parusang mangaintulid karing dakal, at alang-alang keting talasuyu patawaran ku la.

Isaias 62:4

E na ka pasibayung mayaus Mipaburen; ing bansa mu e ne mipamansagan, Ing Babaing Likuan ning Asawa na. Ing bayu mung lagyu Ing Dios tutula ya Keka! Ing bansa mu mayaus yang Masaya ing Bie nang Talasawa, uling ing Ginu metula ya keka at mangari yang metung a asawa para king kekang bansa.

Jeremias 32:41

Maging tula ku ing dapat mayap a bage para karela at papanatilian ku na lang manuknangan keting labuad.

Jeremias 33:9

Ing Jerusalem ya ing panibatan na ning tula, dangalan, at kapurian para kanaku, at mitakutan la ding balang bansa ning yatu, at galgal la potang damdaman da la ring mayap a bage a daptan ku para karing memalen na ning Jerusalem, at ibie ku ing pangapala keting siudad.

Zepania 3:17

Ing Ginung kekang Dios atyu keka; dinan na kang tagumpe uli ning upaya na. Manakit yang tula keka ing Ginu, at king lugud na ibayu na ing bie mu. Magkanta ya at tumula keka,

Lucas 15:23

Kuanan ye ing pataban a biserung baka at paten ye; mangan tamu at magsaya!

Lucas 15:32

Sukat tamung magsaya at tumula uling ining kapatad mu mete ne, makanyan man sinubli yang mebie; mebating ya at meyakit ya.

Lucas 15:5

At nung akit na ne, masaya neng pusanan karing pago na

Lucas 15:9

Nung akit na ne iti, kumbiran na la ding kakaluguran na at kasiping bale. Sabian na karela, Matula kung tutu uling ikit ke ing mewala kung salaping pilak! Munta kayu keni; magsaya tamu!

Juan 16:24

Angga man ngeni ala kayu pang inawad king lagyu ku; maniawad kayu at mirinan kayu ban miganap ing tula yu.

Juan 16:33

Sinabi ku la deting bage ban mika kapayapan kayu king pamakiabe yu kanaku. Mika kasakitan kayu keti king yatu; oneng magpakatatag kayu! Migtagumpe na ku king yatu!

Juan 17:13

Oneng ngeni papunta na ku keka at sasabian ku la deting bage kabang atyu ku keti king yatu ban mikatmuan lang lubus king kanakung tula.

Juan 3:29

Bandi ne ning lalaking kakasal ing babaing ikakasal na. Manenaya ya ing kakaluguran ning lalaking kakasal at makiramdam king paniatang na at maragul ing tula na kabud damdaman na ing bosis ning lalaking kakasal. Makanyan maging ganap ing tula ku ngeni.

Roma 15:13

Mananu na sanang ing Dios a panibatan na ning kapanayan katmuan na kayu king sablang tula at kapayapan king kapamilatan na ning kasalpantayanan yu keya ban manatiling susulung ing kekayung kapanayan uli na ning upaya ning Banal a Espiritu.

2 Corinto 1:24

E mi buring sakupan ing kekayung pamanialpantaya, uling matatag na kayu kasalpantayanan. Oneng miyabe-abe tamung magobra para king sariling ikatula yu.

Efeso 5:18

E kayu maglasing uling makasira mu iti kekayu, nune pakikuanan yung mikatmuan kayu king Banal a Espiritu.

Filipos 1:25

Makapihu ku kaniti, inya balu ku ing makapanatili ku pa. Manatili ku pang kayabe yu ngan ban aragdagan ku ing kekayung paniulung at tula king kasalpantayanan.

1 Tesalonica 5:16

Magsaya kayung parati;

1 Pedro 1:8

Kaluguran ye agyamang e ye pa ikit. Paniwalan ye agyamang king kasalukuyan e ye akakit. Inya mipaligayan kayu king maragul a tula a e na alarawan ning amanu na ning tau.

1 Juan 1:4

Susulat mi iti ban maging ganap ing tula mi.

2 Juan 1:12

Dakal ku pa buring sabian kekayu, oneng e king kapamilatan na niting sulat. Pagnasan da kayung dalawan at akapagsalitang miyarapan ban lalung maging ganap ing tula tamu.