Juan 15:10 - Ing Mayap a Balita Biblia

¹⁰ Nung tuparan yu la ding utus ku, manatili kayu king lugud ku, antimo nung makananu kung tutupad karing utus nang Ibpa ku at manatili ku king lugud na.

Juan 15:10 Iomraidhean Croise

2 Samuel 22:22

Ing utus ning Ginu kakung tiparan; e ke peinggulutan ing Dios.

2 Ari 18:6

Menatili yang tapat king Ginu at e sinalangsang karing utus na. Pemintuan na la ngan ding utus a binie ning Ginu kang Moises.

Exodo 7:6

Gewa nang Moises at Aaron itang inutus na ning Ginu.

Isaias 50:5

Dininan na kung pamanalastas ning Ginung Dios, at e ku linaban o ginulut king Ginu.

Juan 10:18

E ne akua ninuman kanaku iting bie, nune kusa keng babie iti. Atin kung upayang ibie at upayang kumang pasibayu kaniti. Iti ya ing utus na kanakung Ibpa ku.

Juan 12:49

Uling e ku migsalita king sarili kung kayupayan, nune ing Ibpang mitubud kanaku ya ing minutus nung nanung sabian ku at ipabalu kekayu.

Juan 14:15

Nung kaluguran yu ku, pamintuan yu la ding utus ku.

Juan 14:21

Ing tatanggap karing utus ku at tutupad kareti ya ing malugud kanaku. At luguran neng Ibpa ku itang malugud kanaku. Luguran ke at ipakilala ku keya ing kanakung sarili.

Juan 14:23

Pekibat nang Jesus, Pamintuan na la ning lulugud kanaku ding amanu ku; luguran neng Ibpa ku at i Ibpa ku at aku manuknangan ke keya.

Juan 14:31

oneng daratang ya ban akilala na ning yatu king kaluguran ke ing Ibpa at king daraptan ku ing yuyutus na kanaku. Talakad na kayu, tara na.

Juan 17:4

Pepaligayan da ka keti king yatu; inari ku ing obrang pepagawa mu kanaku.

Juan 4:34

Nganang Jesus, Ing pamangan ku ya ing pamintuan ku ing kaburian na nitang mitubud kanaku at arian ing obrang mibie kanaku.

Juan 8:29

Kayabe ke ing mitubud kanaku; e na ku likuan dili-dili uling daraptan kung parati ing makaibie tula keya.

Juan 8:55

Oneng ikayu kapilan man e ye balu, aku balu ke. Nung sabian kung e ke balu maging malaram kung kalupa yu. Oneng balu ke at tutuparan ku ing amanu na.

1 Corinto 7:19

Uling ing pangasirkunsisyun o ing e pangasirkunsisyun alang ulaga. Ing maulaga ya ing pamamintu karing utus na ning Dios.

1 Tesalonica 4:1

Katataulian, kapatad, king uli na ning Ginung Jesus ausan mi ing kekayung kapanamdaman king lalu yu sanang pagkapilitan ngeni ing mibiebie kayung kalugud-lugud, ing pamibiebie a kailangan yung tuntunan agpang king abalu yu kekami ban maging kawiliwili kayu king Dios.

Hebreo 7:26

Uli na niti, matulid ing mika Pekapun tamung Pari a munie king kekatamung kailangan. Uling banal ya i Jesus; ala yang kamalian o kasalanan; mikawani ya karing taung makasalanan at mitas yang matas pa king banua.

2 Pedro 2:21

Mayap pang e palak ing e ra na bitasang balu ing dalan na ning katuliran kesa king kaybat deng abalu gumulut la king sagradung kautusan a mibie karela.

1 Juan 2:3

Balu tamu king akikilala ta ya ing Dios, nung tutuparan ta la ding kautusan na.

1 Juan 2:5

Oneng ing tutupad karing amanu na ning Dios, ganap na ing lugud na king Dios. Makanyan tamung abalu king ya atyu kekatamu:

1 Juan 2:6

Ing sasabing manatili ya king Dios sukat yang mibiebie kalupa na ning bie nang Jesu-Cristo.

1 Juan 5:3

Uling ing pamaglugud king Dios mangabaldugan pamanupad karing kautusan na. At e na la man masakit tuparan ding kautusan na,

Kapahayagan 22:14

Mapalad la detang pipipian da ing karelang imalan uling mirinan lang karapatan lungub king siudad at mangan karing bunga na ning tanaman a babie bie.