Juan 15:1 - Ing Mayap a Balita Biblia

¹ Aku ing tune tanaman a ubas at ing Ibpa ku ya ing mananaman.

Juan 15:1 Iomraidhean Croise

Ing Malagung Diling Kanta 7:12

Maranun katang munta king mulahan ubas, at lawan nung atin nang minyanga at memulaklak. Lawan ta la naman ding tanaman a pomegranate nung atin na lang sampaga. Karin ing lugud ku ibie ku keka.

Isaias 4:2

Ing panaun datang potang ing Ginu gawan na lang maragul at malabung ding sablang tanaman at dutung ning bansang Israel. Tumula la ding sablang taung mitagan at ipagmaragul da ing bubunga na ning gabun.

Isaias 60:21

Ing matulid yang daptan ding kekang memalen, at maging bandi re kapilan man ing gabun a kakung pengaku. Tenam ku la, aku ing karela linalang ban karing sabla sabian da ing kakung degulan.

Isaias 61:3

ban detang tatangis king Zion kaku lang atdanan tula at saya king lugal ning kalungkutan, lugal king tangis magkanta lang kapurian. Mangari la karing tanaman a tenam na mismu ning Ginu. Daptan da ngan ing matulid at ustu, at purian de ing Dios uli ning depat na.

Jeremias 12:10

Pinyira de ring dakal a pamuntuk a dayuan ing mulahan kung ubas; dekurak da la ring kakung marangle; gewa reng disyerto ing malagu kung bansa.

Jeremias 2:21

Tenam da kang anting piling ubas, anti ing pekamayap a bini. Oneng lawan mu ing milyari keka! Mengari ka king mebuluk at alang ulagang ubas.

Ezekiel 19:10

Mengari ya ing ima mu king tanaman a ubas a mitanam lele ning mamagus a batis. Uling ating dakal a danum ing ubas melabung ya bulung, at memunga yang punggul-punggul.

Hosea 10:1

Mengari la ding memalen na ning Israel king ubas a memungang dakal. Nung kapilan la minawa kabilian kanita la merakal ding telakad dang altar. Nung kapilan la merakal a pupul king asikan da, kanita da la pekalagu ding sagradung asias a batu a karelang sasamban.

Zacarias 3:8

Inya makiramdam ka, Josue, ika a Pekapun da ring Pari. Makiramdam kayu, ikayung kalupa nang pari, ikayung tanda na ning mayap a panaun a daratang: ipalto ke ing kanakung talasuyu a mayayaus Ing Sanga!

Mateo 15:13

Mekibat ya i Jesus, Putputan ne ning Ibpa kung atyu banua ing balang tanaman a e na tenam.

Mateo 20:1

Ing Kayarian ning Banua kalupa ne ning metung a taung ating mulahan ubas. Linual ya inyang abak a maranun ban manintun a-upahan nang magobra king mulahan nang ubas.

Mateo 21:33

Pakiramdaman ye ing metung pang talimhaga. Ating metung a taung menanaman ubas king gabun na at bekuran ne. Kinulkul yang pibilian king pipapaslan ubas at mitalakad yang metung a tore. Kaybat na nita, peniwala ne karing kasamak at saka ya minta king marayung lugal.

Marcos 12:1

Tiglus nang Jesus ing pamagsalita na, oneng ngeni king kapamilatan da ring talimhaga. Ngana, Ating metung a taung menanaman ubas king marangle na at bekuran ne. Kinulkul ya namang pibilianan para king pipapaslan ubas at mitalakad ya namang metung a matas a pipagbanten. Kaybat na nita, pepanibala ne iting ubasan karing kasamak na at minta ya king aliwang bansa.

Lucas 13:6

Kanita selita neng Jesus iting talimhaga. Ngana, Ating metung a taung ating tanaman a higera king ubasan na. Linawe na nung atin yang bunga, oneng ala yang ikit.

Juan 1:17

Binie ne ning Dios ing Kautusan king kapamilatan nang Moises, oneng ing lugud na at katutuan miras karing tau king kapamilatan nang Jesu-Cristo.

Juan 1:9

Iti ya ing tune sala a daratang king yatu ban munie sala karing sablang tau.

Juan 15:2

Pupututan ne ing balang sanga kung e mamunga at lilinisan ne ing balang sangang mamunga ban lalu ya pang mamunga.

Juan 6:32

Nganang mekibat Jesus, Ing katutuan sasabian ku kekayu: aliwa i Moises ing minie kekayu king tinapeng ibat banua; nune ing Ibpa ku ya ing babie king tune tinape a ibat banua.

Juan 6:55

Uling ing laman ku tune yang pamangan at ing kanakung daya tune yang inuman.

Roma 11:17

Ding mapilan karing sanga na ning tanaman a olibong mesese mepakli la at ing sanga na ning tanaman a olibong kabud na tinubu misusug ya keya. Ikayung paganu mengari kayu ketang olibong kabud na tinubu at ngeni misusug kayu king sikanan at bie rang manawa ding Judio.

1 Corinto 3:9

Uling parehu kaming talapagobra king obra na ning Dios at ikayu ing marangle na. Gusali na kayu naman ning Dios.

1 Juan 2:8

Makanyan man ituring yeng bayung kautusan iting susulat ku kekayu. Bayu ya, uling lilipas na ing karalumduman at saslag ne ing tune sala. Ing katutuan na niti meyakit king bie nang Cristo at mayayakit munaman iti kekayu.