Juan 14:9 - Ing Mayap a Balita Biblia

⁹ Mekibat ya i Jesus, Felipe, kalambat yu na kung kayabe e mu ku pa balu? Ing menakit kanaku, ikit na ne ing Ibpa. Baket sinabi mung Ipakit me kekami ing Ibpa?

Juan 14:9 Iomraidhean Croise

Genesis 26:9

Pepayaus neng Abimelek i Isaac at ngana, Isaac, asawa me pala ing babaing yan! Obat sinabi mung kapatad me? Pota paten yu ku uli na! nganang Isaac.

Ding Dalit 11:1

Ing Ginu ya'ng kaku mimingat, makananu yung ngeni kaku sabian, Karing bunduk sulapo kang anting ayup;

Jeremias 2:23

Makananu mung asabi king ing sarili mu e mu dinatan, king kapilan man e me simban i Baal? Ganakan mu ing kasalanan a depat mu king kapatagan; lawan mu ing depat mu karin. Mengari ka king dumalagang kamelyu a manintun potro, pulapulaying alang balung puntalan,

Marcos 9:19

Nganang Jesus karela, Taung alang kasalpantayanan! Angga kapilan da kayu pakiabayan? Angga kapilan da kayu pibatan? Dala ye keni ing anak!

Lucas 12:56

Hipokrita! Balu yung dinan kabaldugan ing tanda na ning banua at yatu, obat e yu balung dinan kabaldugan ing kasalukuyan a panaun?

Juan 1:14

Meging tau ya ing Amanu at mekipanuknangan ya kekatamu. Ikit mi ing kamalan na a mitmung lugud at katutuan, ing kamalan a mangaintulid mung bukud king bugtung nang Anak ning Ibpa.

Juan 10:30

Aku at ing Ibpa metung kami mu.

Juan 12:45

At ing manakit kanaku akakit nia naman itang mitubud kanaku.

Juan 14:20

Abalu yu king aldong ita king atyu ku king Ibpa at ikayu atyu kayu kanaku, nung makananu kung atyu kekayu.

Juan 14:7

Nung balu yu ku, balu ya naman ing Ibpa. Manibat ngeni balu yu ne at ikit yu ne.

Juan 8:19

Inya kitang da, Nu ya karin ing Ibpa mu? Mekibat ya i Jesus, E yu ku balu ni e ye balu i Ibpa ku. Nung balu yu ku, balu ya naman ing Ibpa ku.

1 Corinto 15:12

Ngeni, anti na ning ing kekaming panaral ya ing Cristo a sinubling mebie, makananu rang asabi ding mapilan kekayu king ding mete e la subling mie?

Filipos 2:6

Agyamang atyu keya ing panga-Dios, makanyan man e na pinilit ing makipante ya king Dios.

Colosas 1:15

I Cristo ya ing larawan na ning Dios a e mayayakit at ya ing pangane na ning meto lelangan.

Hebreo 1:3

Ya ing maslag nang sala ning ligaya na ning Dios uling ganap neng kawangis king kadiosan na; ya ing magmantini king meto sikluban king kapamilatan na ning mayupaya nang amanu. Ngening alinis na na la ding tau king dinat na ning karelang kasalanan, linukluk ya king banda nang wanan ning Dios a Mayupayang tutu karin banua.

1 Juan 5:20

At balu tamu king dinatang ya keti king yatu ing Anak ning Dios at dininan na katamung pamanalastas ban akilala ta ya ing Dios a tutu, at king itamu atyu tamu king Dios a tutukayabe nang Jesu-Cristo a Anak na. Ya ing Dios a tutu at ya ing bie alang angga.