Juan 14:21 - Ing Mayap a Balita Biblia

²¹ Ing tatanggap karing utus ku at tutupad kareti ya ing malugud kanaku. At luguran neng Ibpa ku itang malugud kanaku. Luguran ke at ipakilala ku keya ing kanakung sarili.

Juan 14:21 Iomraidhean Croise

2 Ari 18:6

Menatili yang tapat king Ginu at e sinalangsang karing utus na. Pemintuan na la ngan ding utus a binie ning Ginu kang Moises.

Ding Dalit 35:27

Oneng kulisak lang matula detang king katuliran ku magnasa; sabian dang alang patna, Purian ya ing Ginu, uling buri na ing makakayap kaku.

Exodo 33:18

Inya nganang mekisabing mayap Moises, Pakit ye sana kanaku ing makasilo nang aslag ning lupa yu.

Ding Kasebian 8:17

Kaluguran ku la detang malugud kaku, at ding manintun kaku akit da ku.

Jeremias 31:31

Ngana ning Ginu, Daratang na ing panaun nung kapilan gawa kung bayung kasunduan karing memalen ning Israel at karing memalen ning Juda.

Zepania 3:17

Ing Ginung kekang Dios atyu keka; dinan na kang tagumpe uli ning upaya na. Manakit yang tula keka ing Ginu, at king lugud na ibayu na ing bie mu. Magkanta ya at tumula keka,

Lucas 11:28

Oneng pekibat nang Jesus, Lalu lang mapalad detang makiramdam king amanu na ning Dios at tutuparan da iti!

Juan 14:15

Nung kaluguran yu ku, pamintuan yu la ding utus ku.

Juan 14:18

E ra kayu lakuan dili-dili; mibalik ku kekayu.

Juan 15:14

Kakaluguran da kayu, nung tuparan yu la ding utus ku.

Juan 16:14

Paligayan na ku uling manibatan kanaku ing sablang sabian na kekayu.

Juan 16:27

uling ing Ibpa mismu kaluguran na kayu. Kaluguran na kayu uling liguran yu ku at meniwala kayung ibat ku king Ibpa.

Juan 17:23

aku atyu ku karela at ika atyu ka kanaku ban maging ganap lang metung. Kanita abalu na ning yatu king tinubud mu ku at liguran mu la antimo ing pamaglugud mu kanaku.

Ding Dapat 22:18

nung nu ke ikit ing Ginu, at nganang migsalita kanaku, Mamirapal kang mako keti Jerusalem uling e ra tanggapan ding tau keti ing patutu mu tungkul kanaku.

2 Corinto 12:8

Mekatatlung besis ku penalangin king Ginu king ilako ne sana iti,

2 Corinto 3:18

At ngening milako ne ing takap karing lupa tamu, itamung sabla maging aslag na katamu ning ligaya na ning Ginu. At lalu tamung miwawangis king ligaya na king kapamilatan na ning Ginu, ing Ginu ya ing Espiritu.

2 Corinto 4:6

Uling ing Dios a sinabing Busal ning karalumduman, sunlag ya ing sulu, ya mu rin ing Dios a babie aslag king kekatamung pusu ban makilala ing ligaya na ning Dios a mihayag king lupa nang Cristo.

Deuteronomio 11:13

Inya pamintuan yu la ding utus a sinabi ku ngening aldong iti kekayu: luguran ye ing Ginung kekayung Dios at suyuan ye king mabilug yung pusu.

Deuteronomio 7:13

Luguran na kayu, bendisyunan ampon parakalan king bilang at dakal kayu anak. Bendisyunan na la ding marangle yu ban dakal ing pupul yung trigu, ubas a gagawan alak ampon larung olibo. Parakalan na la ding sese yung baka at tupa. Daptan na ngan iti potang miras na kayu king gabun a pengaku nang ibie kekayu king kapamilatan da ring makatua yu.

2 Tesalonica 2:16

Mananu na sanang paligayan na katamu ning Ginu tamung Jesu-Cristo at ning kekatamung Dios a Ibpa a malugud kekatamu, at king kapamilatan na ning grasya na dinan na katamung alang anggang sikanan lub at mayap a kapanayan.

2 Timoteo 4:22

Ing Ginu mantabe ya king kekang espiritu. Ing grasya na ning Dios mantabe kekayung sabla.

1 Juan 2:5

Oneng ing tutupad karing amanu na ning Dios, ganap na ing lugud na king Dios. Makanyan tamung abalu king ya atyu kekatamu:

1 Juan 3:1

Lawan yu nung nu anti ing lugud na ning Ibpa kekatamu! Tune na katamung kaluguran, inya mayayaus tamung anak na ning Dios, at king kamatutuanan anak na katamu pin. Ing sangkan nung inya ing yatu e na katamu akikilala ya ini: e ne akilala ing Dios.

1 Juan 5:3

Uling ing pamaglugud king Dios mangabaldugan pamanupad karing kautusan na. At e na la man masakit tuparan ding kautusan na,

2 Juan 1:6

At iti ya ing kabaldugan na ning lugud a sasabian ku: mibiebie tamu karing kautusan na ning Dios. Ing kautusan a miyabie keta pang minuna ya pin iti: mibiebie tamu king lugud.

Kapahayagan 2:17

Nung atin kang balugbug, makiramdam ka king sasabian na ning Espiritu karing iglesia! Karing magtagumpe, ibie ku ing makasalikut a manna a manibat banua. Ibie kia munaman king balang katau ing maputing batu nung nu ya makasulat ing metung a bayung lagyu a alang makibalu nune mu itang tanggap kaniti.

Kapahayagan 22:14

Mapalad la detang pipipian da ing karelang imalan uling mirinan lang karapatan lungub king siudad at mangan karing bunga na ning tanaman a babie bie.

Kapahayagan 3:20

Lawan mu, makatalakad ku arap ning pasbul at tutuktuk; nung pakiramdaman na ning ninuman ing siwala ku at ibuklat ne ing pasbul, malaus ku king bale na at ya ampon aku miyabe kaming mangan.