Juan 14:18 - Ing Mayap a Balita Biblia

¹⁸ E ra kayu lakuan dili-dili; mibalik ku kekayu.

Juan 14:18 Iomraidhean Croise

Ding Dalit 101:2

King dalan ning kabanalan karin ku dumalan. O Ginu, kapilan mu ku kaya datangan? Mibiebie kung alang kapintasan king mismung kakung tuknangan.

Ding Dalit 23:4

Agyang king libis a mapanganib karin ku dumalan, e ku numanu balang, uling ika ing kakung kayabe. Ing pamarug mu't tukud ilang kaku babie sikanan lub.

Isaias 43:1

Israel, ing Ginung keka linalang sasabian na, E ka tatakut; iligtas da ka. Inaus da ka king kekang lagyu; bandi ra ka.

Isaias 51:12

Ngana ning Ginu, Aku ing babie sikanan keka. Obat tatakut ka king taung ating kamatayan a e manatiling anti ing dikut?

Ding Tagulele 5:3

Ding kalaban pete da lang tata mi, at ding kekeng ima mebalu la ngeni.

Hosea 14:3

E na ke bitasang aligtas ning Asiria, at e ra ke adipensa ding kabayung panggera. Kapilan man e mi na sabian pa karing idolo, Ikayu ding kekaming dios! O Ginu, ika ing papakit lunus kareting ala nang bitasang alapitan.

Hosea 6:3

Magkapilit tamung abalu ta ya. Siguradu yang datang kekatamu antimo nung makananu yang daratang ing abak. Datang ya kekatamu anti ing uran a didilig king yatu king panaun ning kauran.

Mateo 18:20

Uling nukarin man ating adua o atlu kataung mititipun king lagyu ku, atyu ku libutad da.

Mateo 28:20

at ituru yu lang tupad king sablang inutus ku kekayu. Tandanan yu: kayabe yu ku kapilan man angga king kawakasan na ning panaun!

Juan 14:16

Maniawad ku king Ibpa at dinan na kayung Talasaup a akayabe yu kapilan man.

Juan 14:3

At nung miras na ku at mekapagsadiang lugal para kekayu, mibalik kung pasibayu keti at ituki da kayu ban nung nu ku karin, karin kayu naman.

Juan 16:16

Saguli na mu at e yu na ku akit at kaybat na ning ditak a panaun akit yu kung pasibayu.

Juan 16:33

Sinabi ku la deting bage ban mika kapayapan kayu king pamakiabe yu kanaku. Mika kasakitan kayu keti king yatu; oneng magpakatatag kayu! Migtagumpe na ku king yatu!

2 Tesalonica 2:16

Mananu na sanang paligayan na katamu ning Ginu tamung Jesu-Cristo at ning kekatamung Dios a Ibpa a malugud kekatamu, at king kapamilatan na ning grasya na dinan na katamung alang anggang sikanan lub at mayap a kapanayan.

Hebreo 2:18

Uling ya mismu dinalan yang kapagsubukan at kasakitan. Inya ngeni malyari na lang asaupan ding aliwang daralan king kapagsubukan.