Juan 14:13 - Ing Mayap a Balita Biblia

¹³ Ing nanumang aduan yu king lagyu ku daptan ku ban mipaligayan ya ing Ibpa king kapamilatan na ning Anak.

Juan 14:13 Iomraidhean Croise

Mateo 21:22

Nanuman ing aduan yu king kekayung pamanalangin tanggapan yu, nung atin kayung kasalpantayanan.

Mateo 7:7

Maniawad kayu, at mirinan kayu; manintun kayu, at manakit kayu; tuktuk kayu king pasbul, at mibuklatanan kayu.

Marcos 11:24

King uli na niti sasabian ku kekayu, nung manalangin kayu at aduan yu ing nanuman, panaligan yu king iti tinggap yu na, at ing sabla miyabie kekayu.

Lucas 11:9

Inya sasabian ku kekayu: Maniawad kayu at mirinan kayu; manintun kayu, at manakit kayu; tuktuk kayu, at mibuklatanan kayung pasbul.

Juan 10:30

Aku at ing Ibpa metung kami mu.

Juan 12:44

Sinabi nang matimid Jesus, Ing maniwala kanaku maniwala ya e mu kanaku nune pati kanitang mitubud kanaku.

Juan 13:31

Nganang Jesus kalako nang Judas, Ngeni mipaligayan ne ing Anak ning Tau at king kapamilatan na mipaligayan ya ing Dios.

Juan 14:14

Nung maniawad kayung nanuman king lagyu ku, daptan ku.

Juan 14:6

Pekibat nang Jesus, Aku ing dalan, ing katutuan, at ing bie. Alang malyaring miras king Ibpa nung e mu king kapamilatan ku.

Juan 15:16

E yu ku pinili, nune aku ing memili at tinuldu kekayu ban lumual kayu at mamunga karing bungang manatili. King uli na niti, nanumang aduan yu king Ibpa king lagyu ku, ibie na kekayu.

Juan 15:7

Nung manatili kayu kanaku at ding amanu ku manatili la kekayu, aduan yu itang nanumang buri yu at miyabie kekayu.

Juan 16:23

King aldo ita, ala na kayung aduan nanuman kanaku. Ing katutuan sasabian ku kekayu: nung maniawad kayung nanuman king Ibpa king lagyu ku, ibie na iti kekayu.

Juan 16:26

King aldo ita, maniawad kayu king lagyu ku, at e ku sasabian king aku ing maniawad king Ibpa para kekayu,

Juan 16:7

Ing katutuan sasabian ku kekayu: ikakayap yu ing paglako ku; uling nung e ku mako, e ya datang kekayu ing Talasaup. Nung mako ku, itubud ke kekayu.

Juan 4:10

Sinabi nang Jesus, Nung balu mu mu ing babie ning Dios at nung ninu ing maki-inum, mekad ika na ing maniawad keya at ibie na keka ing danum a mabie.

Juan 4:14

oneng e ne kumau kapilan man ing ninumang minum king danum a ibie ku. Uling ing danum a ibie ku keya maging sibul ya kilub na at ibie ne ing bie alang angga.

Juan 5:19

Nganang Jesus karela, Ing katutuan sasabian ku kekayu: ala yang arapat ing Anak king sarili nang kaburian, nune daraptan na mu itang akakit nang daraptan na ning Ibpa. Nanuman ing daraptan na ning Ibpa ya naman ing daraptan na ning Anak.

Juan 7:37

King tauling aldo, ing maragul diling aldo na ning piesta, tinalakad ya i Jesus at sinabi nang masikan, Nung ing ninuman kakau ya, lumapit ya kanaku at minum.

1 Corinto 14:13

Inya ing magsalitang aliwang amanu, kailangan yang manalangin para king regalu a makapalino king kabaldugan na ning sasabian na.

Efeso 2:18

Uli nang Cristo, parehu tamung mekalapit king Ibpa king kapamilatan na ning metung a Espiritu.

Efeso 3:12

Uli na ning pangayabe tamu at pamagtiwala keya, malaya tamu at panatag a lub makalapit king Dios.

Efeso 3:14

Uli na niting sangkan, sisiklaud ku arap ning Ibpa

Filipos 4:13

Atin kung sikanan marap king nanuman uli na ning sikanan a babie nang Cristo kanaku.

Colosas 3:17

Nanumang sabian yu o daptan, gawan yu ngan king lagyu na ning Ginung Jesus. King kapamilatan na pasalamatan ye ing Dios a Ibpa.

Hebreo 13:15

Inya king kapamilatan nang Jesus, miyain tamung alang anggang ain-sakripisyu ning kapurian king Dios. Ngana wari, pasalamat tamung alang patad king lagyu na king kapamilatan da ring amanung sasabian tamu.

Hebreo 4:15

Ing kekatamung Pekapun ding Pari biasa yang makisanmetung a panamdam king kekatamung keinan. Uling dinalan ya naman king sablang kapagsubukan a kalupa na ning daralanan tamu agyamang e ya mikasala.

Hebreo 7:25

Inya agyu na lang iligtas ngeni at kapilan man ding sablang lalapit king Dios king kapamilatan na, uling mabie ya kapilan man ban mamilatan king arap ning Dios para karela.

Santiago 1:5

Nung kekayu ating mangailangan kabiasnan, sukat nang aduan iti king Dios at ibie na kekayu ning Dios uling maganaka ya ing Dios at e ya mamarsala.

Santiago 5:16

Inya, ipagtapat yu king metung at metung ing kekayung kasalanan at mipapanalangin kayu ban kumayap kayu. Maragul ing malyari nang ibunga ning panalangin na ning taung mayap.

1 Pedro 2:5

Lumapit kayu king Ginu ban ikayu man, bilang mabie batu, bilugan ye ing metung a pibalebale espiritual anting banal a pari a miyain ain-sakripisyung espiritual a katanggap-tanggap king Dios king kapamilatan nang Jesu-Cristo.

1 Juan 3:22

Tatanggapan tamu ing nanumang aduan tamu king Dios, uling pamintuan ta la ding utus na, at daraptan tamu itang babie tula keya.

1 Juan 5:14

Masikan tamu lub lumapit king Dios uling balu tamu king ibie na ing nanumang aduan tamu agpang king kaburian na.