Juan 14:12 - Ing Mayap a Balita Biblia

¹² Ing katutuan sasabian ku kekayu: ing maniwala kanaku makarapat ya naman karing dapat a daraptan ku, at maygit pa kareti uling munta ku king Ibpa.

Juan 14:12 Iomraidhean Croise

Mateo 21:21

Mekibat ya i Jesus, Tandanan yu ini: nung atin kayung kasalpantayanan at e kayu mag-alinlangan, e mu ing malyari yung arapat ing depat ku king tanaman a higera, nune maygit pa kanita. Sabian yu mu king bunduk a ini, Mako ka ken at dulung ka king dagat, ita marapat.

Marcos 11:13

King makarayu ikit ne ing metung a tanaman a higera, malabung ya. Lepitan ne ba nang lawan nung atin yang bunga. Inyang milapit ne, bulung mu ing ikit na, uling e ra pa panaun mamunga ding higera.

Marcos 16:17

Karetang maniwala, mayakit la deting mayupayang tanda: king lagyu ku makapalual lang demonyu; makapaniabi lang aliwang amanu;

Juan 14:28

Dimdam yung sinabi ku, Mako ku, oneng mibalik ku naman kekayu. Nung liguran yu ku, sukat kayung tumula king munta ku king Ibpa uling maygit ya kanaku ing Ibpa.

Juan 16:7

Ing katutuan sasabian ku kekayu: ikakayap yu ing paglako ku; uling nung e ku mako, e ya datang kekayu ing Talasaup. Nung mako ku, itubud ke kekayu.

Juan 4:37

Kaniti ya mipatutuan ing kasebian, Aliwa ya ing tatanam at aliwa ya ing pupupul.

Juan 5:20

Uling kaluguran ne ning Ibpa ing Anak at papakit na king Anak ing sablang daraptan na. At pakitanan ne pang dapat a maygit kareti ban mangapamulala kayu.

Juan 7:33

Inya sinabi nang Jesus, Akayabe yu ku king ditak namung panaun at mibalik na ku ketang mitubud kanaku.

Juan 7:39

Iti sinabi na tungkul king Espiritu a tanggapan ding maniwala keya. E ya pa miyabie kanita ing Espiritu uling e ya pa mipaligayan i Jesus.

Ding Dapat 10:46

Uling dimdam da lang migsalitang miyayaliwang amanu at pupuri king Dios. Kanita nganang Pedro,

Ding Dapat 16:18

Anti kaniti ing daraptan na kilub ding dakal a aldo, angga king mebuysit ya i Pablo at inarapan ne. Ngana king espiritu, King lagyu nang Jesu-Cristo yuyutus ku keka ing lumual ka at mabating ka keya! Kanita mu rin linual ya keya ing espiritung marawak.

Ding Dapat 19:12

Pati ding panyu at sakbibing ginamit na kakaskas da la karing masakit at milalako ing sakit da at linual la karela ding marawak a espiritu.

Ding Dapat 2:33

Mitas ya king banda nang wanan ning Dios at tinggap ne keya ing Banal a Espiritu, antimo ing pengaku na ning Ibpa na at ing akakit yu at daramdaman ngeni ya itang kalam a tigtug nang labis-labis kekami.

Ding Dapat 2:41

Meniwala la ding keraklan karela king aral na, at tinggap da ing sinabi na at pepabinyag la. Kanita mu ring aldong ita angga lang atlung libu katau ding miragdag king kabilangan da.

Ding Dapat 4:16

Ngarang mikukutnanan, Nanung daptan tamu karing taung deti? Balu da ring sablang tau keti king Jerusalem king ila ding dinapat kaniting milagru, at e tamu malyaring alingad iti.

Ding Dapat 4:33

Sindu da ring apostol a kayabe ning maragul a kayupayan ing pamipatutu ra tungkul king pangasubli nang mie ning Ginung Jesus. E makanyan-kanyan a bendisyun ing tigtug na karela ning Dios.

Ding Dapat 4:4

Oneng meniwala la ding dakal a taung mekaramdam king penaral da, at mamabut lang anggang limang libu ding lalaking miragdag.

Ding Dapat 5:15

Bunga na ning sablang daraptan da ring apostol ding taung maki sakit, maka kama o maka dase mu, lulual da la karing dalan ban king pamaglabas nang Pedro agyang king anino na mu mirasnan la ding mapilan.

Ding Dapat 6:7

Makanyan sinulung ing pamikalat king amanu na ning Dios. Merakal na lang merakal ding alagad karin Jerusalem, at dakal la ding pari a tinanggap king kasalpantayanan.

Ding Dapat 8:7

Ating marawak a espiritung linual kukulisak karing dakal a inipus da, at dakal la ding lumpu at pile a kinayap.

Ding Dapat 9:34

Nganang Pedro keya, Eneas, uluan na kang Jesu-Cristo. Talakad ka at ituklip me ing pagkeran mu. Kanita mu rin tinalakad ya i Eneas.

Ding Dapat 9:40

Pepalualan na la ngan Pedro king kuartu, kaybat siniklaud ya at menalangin; inarapan ne ing bangke at ngana, Tabita, talakad ka! Migmulagat ya at tinalakad ya inyang ikit ne i Pedro.

Roma 15:19

king kapamilatan da ring mayupayang waga at milagru at king upaya na ning Banal a Espiritu. Inya lubus keng penaral ing Mayap a Balita tungkul kang Cristo, manibat karin Jerusalem at karing sablang lugal a libutan ku angga na karin Ilirico.