Juan 14:10 - Ing Mayap a Balita Biblia

¹⁰ E ka wari maniwala king atyu ku king Ibpa at ing Ibpa atyu kanaku? E la manibat kanaku ding amanung sasabian ku kekayu. Gagawan na ning Ibpang atyu kanaku ing obra na.

Juan 14:10 Iomraidhean Croise

Juan 10:30

Aku at ing Ibpa metung kami mu.

Juan 10:38

Nung daraptan ku la, agyang e kayu maniwala kanaku, karing mu mang dapat ku sukat kayung maniwala ban abalu yu at aintindian king ing Ibpa atyu kanaku at aku atyu ku keya.

Juan 11:26

at ing ninumang mabibie at maniwala kanaku e mate kapilan man. Paniwalan mu ite?

Juan 12:49

Uling e ku migsalita king sarili kung kayupayan, nune ing Ibpang mitubud kanaku ya ing minutus nung nanung sabian ku at ipabalu kekayu.

Juan 14:11

Maniwala kayu kanaku: atyu ku king Ibpa at atyu kanaku ing Ibpa. Nung e kayu bisang maniwala king sasabian ku, maniwala kayu king uli da ring dapat ku.

Juan 14:20

Abalu yu king aldong ita king atyu ku king Ibpa at ikayu atyu kayu kanaku, nung makananu kung atyu kekayu.

Juan 14:24

E tutupad karing amanu ku ing e lulugud kanaku. E kanaku ing amanung dimdam yu nune ibat king Ibpang mitubud kanaku.

Juan 17:8

uling tiru ku la king amanung tinggap ku keka at tinggap da iti. Abalu ra king tune kung menibat keka at meniwala la king tinubud mu ku.

Juan 3:2

Misan a bengi, iting lalaki minta ya kang Jesus. Ngana kang Jesus, Maestro, balu mi king metung kang talaturu a menibat king Dios, uling alang makagawa karing milagrung daraptan mu subali mu nung mamantabe ya keya ing Dios.

Juan 5:17

Oneng pekibatan na lang Jesus. Ngana, Alang tuknang ing pamagobra nang Ibpa ku at aku man kailangan kung magobra.

Juan 5:19

Nganang Jesus karela, Ing katutuan sasabian ku kekayu: ala yang arapat ing Anak king sarili nang kaburian, nune daraptan na mu itang akakit nang daraptan na ning Ibpa. Nanuman ing daraptan na ning Ibpa ya naman ing daraptan na ning Anak.

Juan 7:16

Mekibat ya i Jesus, E kanaku ing tuturu ku, nune ibat king Dios a mitubud kanaku.

Juan 8:28

Inya sinabi nang Jesus, Potang ikua yu neng tinas ing Anak ning Tau, kanita yu abalu king Aku pin Ya; at king ala kung daraptan king sarili kung upaya nune magsalita ku agpang king tiru na kanaku ning Ibpa.

Juan 8:38

Sasabian ku ing ikit ku king kanakung Ibpa, oneng daraptan yu ing kekayung dimdam king kekayung tata.

Juan 8:40

Oneng ngeni buri yu kung paten; akung taung maniabi kekayu king katutuan a dimdam ku king Dios. E anti kanyan ing depat nang Abraham!

Ding Dapat 10:38

Balu yu itang tungkul kang Jesus ning Nazaret; nung makananu neng linanian ning Dios king Banal a Espiritu at king upaya. Uling ing Dios atyu keya minta ya karing sablang lugal darapat mayap at pakayap karing sablang inalipnan na ning diablo.

2 Corinto 5:19

Ing panaral mi ya iti: ing Dios atyu kang Cristo at tinuring neng kakaluguran na ing tau at kelinguan na na ing kasalanan na. At pigkatiwala na kekami ing ikalat mi ya ing balitang iti.

Colosas 1:19

Ing Dios mismu birian na king ing mabilug nang kadiosan manuknangan king Anak.

Colosas 2:9

Uling ing kabilugan a kadiosan atyu king katawan nang Cristo,

1 Juan 5:7

Atlu la ding patutu: