Juan 13:8 - Ing Mayap a Balita Biblia

⁸ Sinabi nang Pedro, E ku la malyaring paos ding bitis ku keka! Pekibat nang Jesus, Nung e ka paos bitis kanaku, ala kang pangataid kanaku.

Juan 13:8 Iomraidhean Croise

Genesis 42:38

Nganang Jacob, E ya malyaring tuki keka i Benjamin. Mete ne ing kapatad na at ya na mung makatagan kanaku. Uling matua na ku, nung ating malyari kang Benjamin king pamaglakbe yu, ikamate kung agad uli na ning lungkut.

2 Samuel 20:1

Mipaintagun king atin kanitang alang kabaldugan a tau a milagyuan Seba. Anak neng Bikri king tribu nang Benjamin. Tiniupan ne ing trumpeta at kaybat nganang migsalitang masikan, Kabalen kung Israelita, ala tamung pangataid kang David! Ala tamung dake king anak nang Jese! Muli na kayu karing pibalebale yu!

1 Ari 12:16

Inyang ikit da ring memalen ning Israel king e na buring pakiramdaman ning ari ing karelang kayaduanan, sinabi ra, Nanu pa ing kaugnayan tamu kang David? Ala ta nang pangataid king anak nang Jese. Balen Israel, tara, muli ta na karing balen tamu! Rehoboam, bahala na ka king sarili mu manibat ngeni! Inya minuli na la ring memalen ning Israel karing bale ra,

Ding Dalit 51:2

Linisan mu ing sablang kakung karinatan, at patawaran mung kakung kasalanan.

Ding Dalit 51:7

Wasan mu ing kasalanan ku, at luminis ku. Wasan mu ku, at maging maputi ku; maputi pa kesa king yelu.

Isaias 4:4

King uli na ning upaya na, atulan ne ning Ginu at pakadalisayan ne ing bansa; wasan na at ilako ing e mayap king Jerusalem at ing dayang minagus karin.

Ezekiel 36:25

Pisikan da kayu king danum a malinis at gawan da kayung malinis king dinat da ring kekong idolo at king aliwang bage minie dinat kekayu.

Zacarias 13:1

Potang datang ne ing aldong ita, nganang sasabi ning Ginung Mayupaya, lunto ya ing metung a sibul ban maos la ding lahi nang David at ding memalen na ning Jerusalem king kasalanan da at king karelang pamanyambang idolo.

Mateo 16:22

Tiki neng Pedro king metung a suluk at nganang tinutul, Ginu, e na sa paintulut ning Dios yan! E sukat malyari keka ing makanyan!

Mateo 21:29

Pekibat ning anak, E ku bisa. Oneng kaybat, minaliwa ya isip at minta ya king mulahan ubas.

Mateo 26:33

Migsalita ya i Pedro at ngana kang Jesus, Agyang lakuan da ka ding sabla, aku e ra ka lakuan kapilan man!

Mateo 26:35

Nganang tinutul Pedro, Agyang misan da ku paten kayabe mu, kapilan man e ra ka ilingad! At makanyan munaman ing sinabi da ring sablang alagad.

Juan 13:6

Nganang Simon Pedro inyang lapitan neng Jesus, Ginu, ikang manos karing bitis ko?

Juan 13:9

Sinabi nang Simon Pedro, Ginu, nung makanyan, e mu ding bitis ku ilang wasan mu nune pati na ding gamat ku at ing buntuk ku!

Juan 3:5

Mekibat ya i Jesus, Ing katutuan sasabian ku keka: subali mu nung mibait ya king danum at king Espiritu ing tau e ya makalub king Kayarian ning Dios.

Ding Dapat 22:16

Inya ngeni, nanu pa ing panayan mu? Talakad ka at pabinyag at maos la ding kekang kasalanan king kapamilatan na ning pamaniaus mi king lagyu na.

1 Corinto 6:11

Anti la kareting mebanggit ding mapilan kekayu. Oneng mewas na ing kasalanan yu; mitalaga na kayu king Dios at meging banal uli na ning lagyu ning Ginung Jesu-Cristo, at uli na ning Espiritu ning kekatamung Dios.

Efeso 5:26

ban mitalaga ya ing iglesia king Dios king upaya na ning amanu kaybat neng lininis at inos.

Deuteronomio 12:12

Ikayu, ding anak yu at ipus sukat kayung tumula arapan ning Ginu. Tumula kayung abe ding Levita a manuknangan karing kekayung balen, uling ala lang dake deti king gabun a bandian yu.

Colosas 2:18

E yu paintulut ing atake na kayu ning ninumang sasabing atin yang matas a upaya kekayu uli da ring e karaniwan a vision a ikit na, at pipilit na ing maling kapakumbaban ampon ing pamanyamba karing anghel. Ing taung anti kaniti, kabud nia pairagul a buntuk king sarili nang pamagbibiasa.

Colosas 2:23

Nung king bage balamu pin atin lang daralang kabiasnan neng pilit da lang pasamba ding anghel at pipilit da ing maling kapakumbaban, at pasakitan deng mabayat ing karelang katawan; oneng ala na la mang bitasang upayang makapamigil karing buri ning katawan.

Tito 3:5

linigtas na katamu, e uli na ning nanumang dapat a mayap a gewa tamu mismu, nune uli na ning sarili nang lunus. Linigtas na katamu king kapamilatan na ning danum a paglinis nung nu na katamu dirinan bayung pangabait at bayung bie a ibat king Banal a Espiritu.

Hebreo 10:22

Inya kailangan tamung lumapit king Dios a kayabe ning matibe kasalpantayanan, at ning matatag a kapanaligan. Lumapit tamu king Dios a ating malinis a konsiensia ngening milako na la dinat ding kekatamung pusu at mewas la ding katawan tamu king danum a dalise.

Kapahayagan 1:5

at ibat kang Jesu-Cristo, ing tapat a testigu, ing mumunang diling sinubling mebie at mag-ari karing sablang ari keti king yatu. Kaluguran na katamu at king uli ning kamatayan na gewa na katamung malaya karing kekatamung kasalanan,

Kapahayagan 7:14

Pekibat ku, E ku pu balu, ginu. Ikayu pu ing makibalu. Ngana kanaku, Ila deti ring migtagumpe king maragul a pangalupig. Pinipi ra at pepalto puti ing imalan da king kapamilatan na ning daya ning Kordero.