Juan 13:5 - Ing Mayap a Balita Biblia

⁵ Kaybat, mitugtug yang danum king palanggana at pegumpisan na lang inos a bitis ding alagad. At pinulis na la king tualyang makababat king awakan na.

Juan 13:5 Iomraidhean Croise

Genesis 18:4

Paburen yung pagdala ra kayung danum ban wasan yu la ding bitis yu at kaybat magpaynawa kayu lalam na niting tanaman.

Genesis 19:2

Ngana karela, Nung mayapan yu, makamal, ilabas ye ing bengi king bale na ning talasuyu yu. Makapanos kayung bitis karin. Maranun yu nang isundu bukas ing pamaglakbe yu. Oneng pekibat da, Panupaya mu, Lot, keni mi na mu palabasan ing bengi.

Genesis 43:24

Pepaluban na la ning katiwala king bale nang Jose at saka na la pepagdalang danum ba lang makapanos bitis; peparinan na la naman pamangan ding karelang asno.

2 Ari 3:11

Nganang mengutang Aring Jeosafat, Ating propeta keti a malyaring makasaup kekatamu ban makapangutang tamu king Ginu? Pekibat na ning metung karing opisyal ning ari ning Israel, Atyu pu keni i Eliseo a anak nang Safat. Ya ing kayaduangan nang Elias.

Ding Dalit 51:2

Linisan mu ing sablang kakung karinatan, at patawaran mung kakung kasalanan.

Exodo 29:4

Ituki me i Aaron at ding anak na king lele na ning pasbul ning Toldang tuknangan ku at karin mu parapat ing seremonia ning pamaglinis.

Isaias 1:16

Wasan mu ing kekang sarili. Maglinis ka! Tuknang na kang darapat e mayap king akakit ku. Tuknang na kang darapat e mayap

Ezekiel 36:25

Pisikan da kayu king danum a malinis at gawan da kayung malinis king dinat da ring kekong idolo at king aliwang bage minie dinat kekayu.

Levitico 14:8

Pipian na ning taung mideklarang malinis ing susulud nang imalan at pakalbu ne ing buntuk na at saka ya mandilu. Kanita malinis ne. Malyari neng lungub king kampu, pero sukat yang manuknangan pitu pang aldo lual na ning tolda na.

Zacarias 13:1

Potang datang ne ing aldong ita, nganang sasabi ning Ginung Mayupaya, lunto ya ing metung a sibul ban maos la ding lahi nang David at ding memalen na ning Jerusalem king kasalanan da at king karelang pamanyambang idolo.

Lucas 7:38

Linukluk ya lele nang bitis Jesus. Tatangis ya at besa na la king lua nang tutulu ding bitis nang Jesus. At kiskusan na la deti king buak na; penuma na la at saka na la tigtugan pabanglu.

Lucas 7:44

Kanita belikdan neng Jesus ing babai at saka na sinabi kang Simon, Akakit me ing babaing ine? Dinatang ku king bale mu at e mu ku dininan danum a panos bitis, oneng ing babaing ini besa na la ding bitis ku king lua na at pepalangi na la king buak na.

Juan 13:10

Nganang Jesus, E ne kailangan manos ing mindilu na, subali karing bitis na, uling malinis ne mabilug a katawan. At malinis na kayu, oneng e ikayu ngan. (

Juan 13:6

Nganang Simon Pedro inyang lapitan neng Jesus, Ginu, ikang manos karing bitis ko?

Juan 13:8

Sinabi nang Pedro, E ku la malyaring paos ding bitis ku keka! Pekibat nang Jesus, Nung e ka paos bitis kanaku, ala kang pangataid kanaku.

Juan 19:34

Oneng tindus ne katalindikingan ning metung karing sundalus at biglang linual ing daya ampon danum. (

Ding Dapat 22:16

Inya ngeni, nanu pa ing panayan mu? Talakad ka at pabinyag at maos la ding kekang kasalanan king kapamilatan na ning pamaniaus mi king lagyu na.

1 Corinto 6:11

Anti la kareting mebanggit ding mapilan kekayu. Oneng mewas na ing kasalanan yu; mitalaga na kayu king Dios at meging banal uli na ning lagyu ning Ginung Jesu-Cristo, at uli na ning Espiritu ning kekatamung Dios.

Efeso 5:26

ban mitalaga ya ing iglesia king Dios king upaya na ning amanu kaybat neng lininis at inos.

1 Timoteo 5:10

at pikabaluan la king pamaniapat mayap: peparagul da la ring anak da king mayap a pamibiebie, malugud lang tatanggap karing taung makipanuknangan karing pibalebale ra, sinuyu la karing pinili na ning Dios, sinaup la karing mengailangan, at king miyayaliwang paralan dinikil da ing karelang sarili king pamaniapat mayap karing aliwa.

Hebreo 10:22

Inya kailangan tamung lumapit king Dios a kayabe ning matibe kasalpantayanan, at ning matatag a kapanaligan. Lumapit tamu king Dios a ating malinis a konsiensia ngening milako na la dinat ding kekatamung pusu at mewas la ding katawan tamu king danum a dalise.

1 Juan 1:7

Nung mabibie tamu king sala, antimo nung makananung yang atyu king sala, atin tamung pamisasanmetung at ing daya nang Jesus a Anak na lilinisan na katamu king sabla tamung kasalanan.

1 Juan 5:6

I Jesu-Cristo ya ing dinatang keti king yatu; dinatang yang kayabe na ning danum ning pangabinyag na at ning daya a bilus na king kamatayan na. At e mu kayabe ning danum nune kayabe ning danum at ning daya. Patutuan na iti ning Espiritu uling ing Espiritu katutuan ya.

Kapahayagan 1:5

at ibat kang Jesu-Cristo, ing tapat a testigu, ing mumunang diling sinubling mebie at mag-ari karing sablang ari keti king yatu. Kaluguran na katamu at king uli ning kamatayan na gewa na katamung malaya karing kekatamung kasalanan,

Kapahayagan 7:14

Pekibat ku, E ku pu balu, ginu. Ikayu pu ing makibalu. Ngana kanaku, Ila deti ring migtagumpe king maragul a pangalupig. Pinipi ra at pepalto puti ing imalan da king kapamilatan na ning daya ning Kordero.

Ukum 19:21

Inya tiki na lang minuli ning matua at pepakan na la ding asno ra. Menos lang bitis ding bisita na at mengan la.

1 Samuel 25:41

Tinalakad ya i Abigail at dinuku ya angga king gabun. Ngana, Talasuyu na ku at makasadia kung manos karing bitis da ring talasuyu na ning kanakung panginuan.