Juan 13:4 - Ing Mayap a Balita Biblia

⁴ Tinalakad ya i Jesus, likas ne ing piblas na at bebatan na ing sarili na king tualya.

Juan 13:4 Iomraidhean Croise

2 Ari 3:11

Nganang mengutang Aring Jeosafat, Ating propeta keti a malyaring makasaup kekatamu ban makapangutang tamu king Ginu? Pekibat na ning metung karing opisyal ning ari ning Israel, Atyu pu keni i Eliseo a anak nang Safat. Ya ing kayaduangan nang Elias.

Lucas 12:37

Mapalad la ding ipus a dasnan nang makagising at manaya king karelang panginuan! Sasabian ku kekayu, magsadia yang pamangan ing panginuan, paluklukan na la king lamesa at silbian na la.

Lucas 17:7

O nu mong ing metung kekayu atin yang ipus a sasarul o magpastul tupa, nung muli neng ibat king marangle, sabian yu wari keya, Mekeni at mangan na ka?

Lucas 17:8

Agyang makananu e yu sabian ita; ing sabian yu, Isadia mu kung apunan; kaybat miblas ka at silbian mu ku kabang mamangan ku. Kaybat na nita, saka na ka mangan.

Lucas 22:27

Ninu ing lalung marangal, ing makalukluk king lamesa o ing susuyu keya? Siempre, itang makalukluk. Oneng atyu ku libutad yu bilang metung a talasuyu.

Juan 13:12

Inyang aos na na la bitis at asulud na nang pasibayu ing piblas na migbalik ya king lamesa. Nganang kinutang karela, Aintindian yu ing depat ku kekayu?

2 Corinto 8:9

Balu yu nung nu anti karagul ing lugud na kekatamu ning Ginu tamung Jesu-Cristo. Agyamang mabandi ya, meging pakakalulu ya alang-alang kekayu ban mibandi kayu king kapamilatan na ning kakaluluan na.

1 Juan 3:11

Iti ya ing aral a dimdam yu manibat na kanitang minuna: sukat tamung mikakalugud.