Juan 13:34 - Ing Mayap a Balita Biblia

³⁴ Babie ke kekayu ing metung a bayung kautusan: mikakalugud kayu. Nung makananu da kayung liguran, makanyan kayu namang mikakalugud.

Juan 13:34 Iomraidhean Croise

Ding Dalit 119:63

Kakaluguran ku la ding sablang susuyu keka, at ding sablang mamintu karing utus mu.

Ding Dalit 16:3

Deta namang king Ginu tapat marangal la't kalang-alangnan, at karela ligaya ing kakung kakamtan.

Levitico 19:18

E kayu mamablas kaninu man ni tatanam samang lub. Luguran ye ing kalupa yung tau antimo ing pamaglugud yu king sarili yu. Aku ing Ginu.

Levitico 19:34

Pakiutusan yu lang antimo nung makananu yeng pakiutusan ing kalupa yung Israelita, at luguran yu la antimo ing pamaglugud yu king sarili yu. E yu sa kakalinguan king kanitang misan dayuan kayu naman karin king Ehipto. Aku ing Ginung kekayung Dios.

Mateo 5:44

Oneng ngeni sasabian ku kekayu: luguran yu la ding kalaban yu, at ipanalangin yu la ding liligalig kekayu.

Juan 15:17

Iti ya ing yuyutus ku kekayu: mikakalugud kayu.

Juan 17:21

Maging metung la ngan sa, Ibpa, antimo ika atyu ka kanaku at aku atyu ku keka, ban ila man maging metung la kekata; kanita maniwala ya ing yatu king ika tinubud mu ku.

Roma 12:10

Mikakalugud kayu antimo ding mikakapatad, at mikamaragul kayu sanang kagalangan king metung at metung.

Roma 13:10

E ya kapilan man mamerhuisyu ing lugud king kalupa nang tau. Inya ing lugud ya ing katuparan na ning kabilugan a Kautusan.

Roma 13:8

E kayu mikakapakibatan kenu man; ing bukud mung pakibatan yu ya ing luguran ya ing metung at metung. Mekatupad ne king Kautusan ing ninumang lulugud king kalupa nang tau.

Galacia 5:22

Oneng ing bunga na ning Espiritu ya ing lugud, tula, kapayapan, kapibabatan, ganaka, kayapan, katapatan,

Galacia 5:6

Uling potang makayabe tamu kang Cristo Jesus, mesirkunsisyun ka man o ali, parehu mu; ing maulaga ya ing kasalpantayanan a darapat king kapamilatan na ning lugud.

Galacia 6:10

Samantalanan tamu ing sablang oportunidad a makagawa tamung mayap king kalupang tau lalung-lalu na karing kapatad tamu king kasalpantayanan.

Galacia 6:2

Mipapaniaup kayung mamusan king pupusanan na ning metung at metung. King anti kaniting paralan yu atuparan ing kautusan nang Cristo.

Efeso 5:2

Mibiebie kayung mitmung lugud antimo i Cristo; uli na ning kaluguran na katamu, inain na ing bie na bilang mabanglung ain at sakripisyung makaligaya king Dios.

Colosas 1:4

uling abalitan mi ing kekayung kasalpantayanan kang Cristo Jesus, at ing lugud yu para karing sablang pinili na ning Dios.

1 Tesalonica 3:12

Mananu na sanang paragulan na at palablaban na ning Ginu ing kekayung lugud king metung at metung at karing sablang tau, antimo ing lugud mi kekayu.

2 Tesalonica 1:3

Kapatad, kailangan ing parati keng pasalamat king Dios king uli yu. Matulid ing daptan mi iti uling manatiling susulung ing kekayung kasalpantayanan king Dios at susulung antimu rin ing lugud yu king metung at metung.

Hebreo 13:1

Pasulungan yu ing pamikakalugud yu bilang mikakapatad kang Cristo.

Santiago 2:8

Masanting kayu daraptan, nung tutuparan ye ing kautusan a binie na ning Dios a sasabian ning Kasulatan, Luguran me ing kalupa mung tau antimo ing sarili mu.

1 Pedro 1:22

Ngening ikua yung melinis king kapamilatan na ning pamanupad yu king katutuan, at ikua yung mika tapat a lugud karing kapatad yu king kasalpantayanan, manatili kayu sanang mikakalugud kayabe na ning mabilug yung pusu.

2 Pedro 1:7

at ing kabanalan abayanan yung pamakilupang tau, at iting pamakilupang tau abayanan yung lugud.

1 Juan 3:11

Iti ya ing aral a dimdam yu manibat na kanitang minuna: sukat tamung mikakalugud.

1 Juan 3:23

Iti ya ing kautusan na: maniwala tamu king lagyu na ning Anak nang i Jesu-Cristo at mikakalugud tamu antimo ing inutus nang Cristo.

1 Juan 4:21

Iti ya ing kautusan a binie na kekatamung Cristo: ing taung lulugud king Dios sukat nia namang luguran ing kapatad na.

2 Juan 1:5

At ngeni, kalugud-lugud a Ima, atin kung aduan keka: mikakalugud tamu itamung sabla. E ya bayung kautusan ing susulat ku keka, nune ya naman ing sadiang kautusan a ibat pa king kapupurmeruan atyu na kekatamu.