Juan 13:23 - Ing Mayap a Balita Biblia

²³ Makahilig yang malapit kang Jesus ing pakamalan nang dili karing alagad na.

Juan 13:23 Iomraidhean Croise

2 Samuel 12:3

oneng ing kalulu metung ya mung biserung babaing tupa a seli na ing bukud nang bandi. Sinese ne iti ning kalulu at meragul yang kayabe da ring anak na king bale at pakanan ne king pamangan na at painuman ne king kopa na at patudturan king takde na. Anti yang anak nang babai iting mesabing tupa.

1 Ari 4:5

i Azaria, ing anak nang Natan, ya ing pamuntuk ding gobernador da ring probinsia; i Zabud a pari at anak na namang Natan, ya ing babie payu king ari;

Lucas 16:22

Mete ya ing pulubi at dela de ring anghel king siping nang Abraham. Mete ya naman ing mabandi at mikutkut.

Juan 1:18

Ala pang menakit king Dios; oneng mipakilala ya ing Dios karing tau king kapamilatan na ning bugtung nang Anak; ing Anak a kayabe ning Ibpa king panga-Dios at kaluguran nang tutu.

Juan 11:3

Inya pepabalita da ring mikapatad a babai kang Jesus ing anti kaniti: Ginu, masakit ya ing kakaluguran mu.

Juan 11:36

Inya sinabi da ring Judio, Talagang kaluguran ne i Lazaro!

Juan 11:5

Kaluguran na lang Jesus di Marta, Maria at i Lazaro.

Juan 13:24

Sininialan neng Simon Pedro at ngana, Ikutang mu na mo keya nung ninu ing amanuan na.

Juan 13:25

Inya linapit ya kang Jesus at kitang na, Ginu, ninu ing amanuan mu?

Juan 19:26

Panakit nang Jesus kang ima na at king pakamalan nang alagad a makatalakad karin, sinabi na kang ima na, Babae, oyan ing anak mo.

Juan 20:2

Inya milayi ya at minta kang Simon Pedro at king aliwang alagad a pakamalan nang Jesus. Ngana karela, Kinua re king kutkutan ing Ginu at e mi balu nung nu re binili!

Juan 21:20

Melikid ya i Pedro at ikit ne king kagulutan na ing alagad a pakamalan nang Jesus; ya itang linapit king salu nang Jesus inyang mag-apunan la at kinutang, Ginu, ninu ing magtaksil keka?

Juan 21:24

Iti ya ing alagad a patutu tungkul kareting bage at ya naman ing sinulat kareti at balu mi king tutu ing sasabian na.

Juan 21:7

Ngana ning alagad a pakamalan nang Jesus kang Pedro, Ya ing Ginu! Panamdam nang Simon Pedro king ya pala ing Ginu, sinulud na ing imalan na (uling lubas ya) at linuksu ya king danum.