Juan 13:19 - Ing Mayap a Balita Biblia

¹⁹ Ngeni pa sasabian ku na iti kekayu ban nung mapalyari na, paniwalan yu king Aku pin Ya.

Juan 13:19 Iomraidhean Croise

Isaias 41:23

Isalita yu kekami ing darala ning aldo bukas; kanita abalu mi king dios kayu pin! Agyang ditak mu dapat kayung kayapan o kaya parala kayung kasakitan; katmuan yu kami king takut at king kapagmulalan!

Isaias 43:10

Memalen ning Israel, ikayu ding kakung testigu; pinili da kayu ban maging kakung talasuyu, ban akilala yu ku at kaku maniwala kayu, at ban kekong aintindian king aku mung bukud ing Dios. Ala nang aliwa pa subali kaku; alang dios a minuna kaku ni datang kaybat ku.

Isaias 48:5

Inya kanita pa sinabi ku na ing kekang panaun a pakiarapan, selita ku la ding bage bayu la pa mapalyari ban sabatan ing kekang kapaniwalan a ding kekang idolo at larawan ilang pepasari kareting mepalyari.

Malakias 3:1

Nganang mekibat ning Ginung Mayupaya, Iparala ke ing kanakung tubud ban isadia ne ing dalan para kanaku. At bigla yang datang king Templo na ing Ginung kekayung panintunan. Datang ya ing tubud a buri yung akit at sabian ne ing kakung kasunduan.

Mateo 11:3

Ngarang kinutang kang Jesus, Sabian yu na mo kekami nung ikayu itang datang a amanuan nang Juan o kailangan ke pang manayang aliwa?

Mateo 24:25

Tandanan yu, king sinabi ku iti kekayu bayu mapalyari.

Lucas 21:13

Iti ya ing maging masanting yung oras ban munie patutu tungkul kanaku.

Juan 1:15

Minie yang patutu i Juan tungkul keya. Ngana, Ya ing amanuan ku kanitang sinabi ku kekayu, Datang ya kaybat ku, oneng maygit ya kanaku, uling atyu ne bayu ku pa mibait.

Juan 14:29

Sinabi ku na iti ngeni kekayu bayu pa mapalyari ban maniwala kayu potang mapalyari na.

Juan 16:4

Sinabi ku la deting bage kekayu ban nung datang na ing oras a daptan da iti, aganaka yu king sinabi ku na la kekayu. E ku la sinabi deting bage kekayu kanitang minuna uling kayabe yu ku pa.

Juan 4:26

Mekibat ya i Jesus, Aku ya, akung kapagsalita mu.

Juan 8:28

Inya sinabi nang Jesus, Potang ikua yu neng tinas ing Anak ning Tau, kanita yu abalu king Aku pin Ya; at king ala kung daraptan king sarili kung upaya nune magsalita ku agpang king tiru na kanaku ning Ibpa.

Juan 8:58

Mekibat ya i Jesus, Ing katutuan sasabian ku kekayu: atyu na ku bayu ya mibait i Abraham.