Juan 13:10 - Ing Mayap a Balita Biblia

¹⁰ Nganang Jesus, E ne kailangan manos ing mindilu na, subali karing bitis na, uling malinis ne mabilug a katawan. At malinis na kayu, oneng e ikayu ngan. (

Juan 13:10 Iomraidhean Croise

Ecclesiastes 7:20

Tune alang taung sakdal a darapat mayap king sablang panaun o e bitasang magkamali.

Ing Malagung Diling Kanta 4:7

Kalagu mo, O sinta ko! Ala kung apintas keka.

Jeremias 50:20

Potang datang na ing aldong ita, ala nang mayakit pang kasalanan king Israel at ala nang e mayap king Juda, uling patawaran ku la ding taung tinagan ku bie. Aku, ing Ginu, ing migsalita.

Levitico 16:26

Ita namang lalaking mitabi king kambing papunta kang Azazel king disyerto, sukat yang mandilu at saka na pipian ing susulud nang imalan bayu ya magbalik lungub king kampu.

Levitico 16:28

Sukat nang pipian ing susulud nang imalan ning taung manyilab kaniti, at saka ya mandilu bayu ya magbalik lungub king kampu.

Mateo 6:12

At patawaran mu la ding kasalanan mi keka, antimo ing pamamatawad mi karing mikasala kekami.

Juan 13:18

E para kekayu ngan ing sasabian ku. Balu ku la ding kanakung pinili. Oneng sukat matupad ing sasabian ning kasulatan, Pildak na ku ning pepakan ku.

Juan 13:9

Sinabi nang Simon Pedro, Ginu, nung makanyan, e mu ding bitis ku ilang wasan mu nune pati na ding gamat ku at ing buntuk ku!

Juan 15:3

Malinis na kayu ngeni uli na ning amanung sinabi ku kekayu.

2 Corinto 5:17

Inya ing ninumang makisanmetung kang Cristo metung yang bayung lelangan. Ala na ing sadia nang pangatau; mibayu neng lubus.

2 Corinto 5:21

E ya mikasala i Cristo, oneng alang-alang king kekatamung ikakayap, tinuring neng makasalanan ning Dios ban kayabe na maging banal tamu arap ning Dios king kapamilatan na.

2 Corinto 7:1

Pakamalan a kakaluguran, anti na ning makanyan ing mipangaku kekatamu, kailangan tamung linisan ing kekatamung sarili king sablang babie dinat king kekatamung katawan at espiritu. Magkapilit tamung mika ganap a kabanalan at mibiebie a ating takut king Dios.

1 Tesalonica 5:23

Pabanalan na kayu sanang lubus ning Dios a babie kapayapan kekayu. At papanatilian na sanang alang kapintasan ing mabilug yung pangatau, espiritu, kaladua, at katawan angga king paniatang ning kekatamung Ginung Jesu-Cristo.

Hebreo 9:10

Deti makatungkul la mu king pamangan, inuman, at miyayaliwang seremonya king pamaglinis. Puru lang tuntunan at mipatupad la reti anggang e na babayu ning Dios ing sabla.

Santiago 3:2

Maralas tamu ngan magkamali. Ninuman ing e bitasang magkamali king sasabian na, tau yang ganap at biasang mamigil king sarili na.