Juan 13:1 - Ing Mayap a Balita Biblia

¹ Bespera na kanita ning Piesta ning Pamaglagpus. Balu nang Jesus king dinatang na ing oras na ban mako ya keti king yatu at mibalik ne king Ibpa. Kaluguran na la ding bandi na a atyu king yatu at liguran na la angga king kawakasan.

Juan 13:1 Iomraidhean Croise

Ding Kasebian 8:31

matula ya king yatu at maligaya karing anak da ring tau.

Jeremias 31:3

pepakit ku karela ibat king marayung lugal. Memalen ning Israel, menatili kung malugud kekayu, inya menatili kung papakit kekayu ing lugud kung e kukupas.

Mateo 26:45

Kaybat na nita, belikan na la ding alagad at ngana karela, Matudtud kayu pa at paynawa angga ngene? Miras na ing oras ban ing Anak ning Tau manabu ya king gamat da ring taung makasalanan.

Mateo 28:20

at ituru yu lang tupad king sablang inutus ku kekayu. Tandanan yu: kayabe yu ku kapilan man angga king kawakasan na ning panaun!

Lucas 22:53

Tuturu ku aldo-aldo king Templo at atyu kayu naman karin; makanyan man e yu ku dekap. Oneng panaun yu ngeni at ing upaya na ning karalumduman ya ing matutupad.

Lucas 9:51

Inyang milalapit na ing aldo ning pangaukiat na banua, inari nang Jesus king lub na king marap ne Jerusalem.

Juan 11:55

Malapit na ing Piesta ning Pamaglagpus da ring Judio. Dakal lang taung ibat karing balen at baryu ding minukiat Jerusalem bayu magpiesta ban gampanan da ing seremonia na ning pamaglinis.

Juan 12:23

Pekibat nang Jesus, Dinatang na ing oras ban mipaligayan ya ing Anak ning Tau.

Juan 13:29

Uling i Judas ya ing talaingat karing salapi ra, ating minisip king pasaliwan neng Jesus king kailangan da para king piesta o parinan na lang limus ding pakakalulu.

Juan 13:3

Balu nang Jesus king ing sablang upaya binie na na ning Ibpa keya at king ibat ya king Dios at papunta ya king Dios.

Juan 13:34

Babie ke kekayu ing metung a bayung kautusan: mikakalugud kayu. Nung makananu da kayung liguran, makanyan kayu namang mikakalugud.

Juan 14:28

Dimdam yung sinabi ku, Mako ku, oneng mibalik ku naman kekayu. Nung liguran yu ku, sukat kayung tumula king munta ku king Ibpa uling maygit ya kanaku ing Ibpa.

Juan 14:31

oneng daratang ya ban akilala na ning yatu king kaluguran ke ing Ibpa at king daraptan ku ing yuyutus na kanaku. Talakad na kayu, tara na.

Juan 16:28

Ibat ku king Ibpa at dinatang ku king yatu. Ngeni lalakuan ku ne ing yatu at mibalik na ku king Ibpa.

Juan 17:1

Inyang asabi na la deting amanu tinalanga ya banua i Jesus at ngana, Ibpa, dinatang na ing oras; paligayan me ing Anak mu ban apaligayan na ka ning Anak.

Juan 17:16

Nung makananung aku e ku para king yatu, makanyan la namang e para king yatu.

Juan 17:26

Pepakilala da ka karela at ipakilala da ka pa ban ing lugud mu kanaku miyabie karela, at aku manatili ku karela.

Juan 17:5

At ngeni, Ibpa, paligayan mu ku king keka mu ring kaligayan a sadiang atyu kanaku king pangayabe ku keka bayu ya melalang ing yatu.

Juan 18:4

Balu nang Jesus ing sablang mapalyari, inya selubungan na la at kitnan, Ninu ing panintunan yu?

Juan 19:28

Kaybat na nita, balu nang Jesus king meganap na ing sablang bage at ban matupad ya ing kasulatan, sinabi na, Mau ku.

Juan 2:13

Malapit na mu ing Piesta ning Pamaglagpus da ring Judio, inya minta ya Jerusalem i Jesus.

Juan 6:4

Malapit na kanita ing Pamaglagpus, ing piesta da ring Judio.

Juan 7:30

Uli na niti, buri deng dakpan; oneng alang dinakap keya uling e pa miras ing oras na.

Juan 7:6

Nganang Jesus karela, E pa dinatang ing panaun ku, oneng ing panaun yu e mamako.

Juan 8:20

Sinabi na lang deting amanu Jesus king lugal a pibaldugan ain kabang tuturu ya king Templo. Oneng alang dinakap kang Jesus uling e pa dinatang ing oras na.

Roma 8:37

Ali! Uling karing sablang bage atin tamung ganap a tagumpe king kapamilatan nang Cristo a linugud kekatamu.

1 Corinto 1:8

Antabayanan na kayu angga king wakas ban mayakit kayung alang kapintasan king Aldo ning Ginu tamung Jesu-Cristo.

Hebreo 3:14

Uling kayabe na katamu ngang Cristo, nung manatili tamung matibe kalawat angga king kawakasan king kapanaligan a miyabie kekatamu ibat pa king kapupurmeruan.

Hebreo 3:6

Oneng tapat ya i Cristo bilang Anak a mamuntukan king mabilug nang pamilya ning Dios. Itamu ing pamilya na, nung manatili tamung matibe lub at maragul a tiwala king kekatamung kapanayan.

Hebreo 6:11

Pagnasan ming lubus king papanatilian na sa ning balang metung kekayu at isundu ing pamagkapilit na angga king kawakasan ban tanggapan yu ing pangatupad da ring sabla yung pagnasan.

1 Pedro 1:13

Inya manatili kayung makasadia ampon disiplinadu, at ipamisan yung lubus ing kapanayan yu king regalung miyabie kekayu nung wari't mipakilala ne i Jesu-Cristo.

1 Juan 4:19

Lulugud tamu uling minuna na katamung liguran ning Dios.

Kapahayagan 1:5

at ibat kang Jesu-Cristo, ing tapat a testigu, ing mumunang diling sinubling mebie at mag-ari karing sablang ari keti king yatu. Kaluguran na katamu at king uli ning kamatayan na gewa na katamung malaya karing kekatamung kasalanan,