Juan 12:42 - Ing Mayap a Balita Biblia

⁴² Makanyan man, agyang karing pamuntuk da ring Judio dakal la ding meniwala kang Jesus. Oneng e ra pepaulata ing pamaniwala ra uli na ning takut da karing Pariseo, pota itiwalag da la king sinagoga.

Juan 12:42 Iomraidhean Croise

Ding Kasebian 29:25

E mu sa ikakabalisa ing sasabian da ring aliwa tungkul keka; magtiwala ka king Ginu at mipanatag ka.

Isaias 51:7

Makiramdam kayu kaku, ikong maki balu king matulid, ikong king pusu yu makatanam lang kautusan ku. E kayu tatakut potang ding tau pamagsisti da kayu at lalapastanganan;

Isaias 57:11

Ngana ning Ginu, Ninu deting dios a pitatakutan yu at king uli ra maglaram kayu kanaku at lubus yu kung kakalinguan? Tinuknang na kayu waring tatakut kanaku uli na ning ala kung bulad king makabang panaun?

Isaias 66:5

Makiramdam kayu king sasabian na ning Ginu, ikayung ating takut at mamintu king Ginu: Uling tapat kayu kanaku, pikasaman da kayu ding mapilan karing kabalen yu at ala lang pakialam kekayu. Insultuan da kayu at ngarang sumabi, Paburen tamung pakit na kekatamu ning Ginu ing upaya na at ing pamagligtas na ba da kayung akit saya! Oneng ila mismu ding mangapakarine!

Jeremias 38:19

Pekibat ning ari, Tatakut ku karing kabalen tamung kinampi karing tau Babilonia. Magkang ibie da ku karela at panasakitan da ku.

Mateo 10:32

Ninuman ing sumabi king arapan da ring tau king ya kanaku ya, makanyan munaman ing daptan ku para keya king arap nang Ibpa ku karin banua.

Lucas 12:8

Sasabian ku kekayu: ninuman ing sumabi king arapan da ring tau king ya kanaku ya, makanyan munaman ing daptan na para keya ning Anak ning Tau arapan ding anghel ning Dios.

Lucas 23:13

Pepayaus na lang Pilato ding pamuntuk da ring pari, ding makatua na ning balen, ampon ding tau,

Lucas 6:22

Mapalad kayu nung pikasaman da kayu, tanggian at pamakarinayan at paniabianan e mayap king uli na ning Anak ning Tau!

Juan 11:45

Uli na niti, meniwala la kang Jesus ding keraklan karing Judiong dinalo kang Maria at menakit king depat na.

Juan 12:11

uling king uli na dakal la ding Judiong kakawani karela at maniwala kang Jesus.

Juan 16:2

Itiwalag da kayu karing sinagoga. Datang ing panaun potang ing ninumang makamate kekayu isipan na king susuyu ya king Dios.

Juan 19:38

Kaybat na nita, i Jose ning Arimatea pekisabi ne kang Pilato ing bangke nang Jesus. (I Jose metung yang alagad nang Jesus, oneng makalihim mu uli na ning takut na karing Judio.) At peintulutan neng Pilato. Inya meko ya at kinua ne ing bangke nang Jesus.

Juan 3:2

Misan a bengi, iting lalaki minta ya kang Jesus. Ngana kang Jesus, Maestro, balu mi king metung kang talaturu a menibat king Dios, uling alang makagawa karing milagrung daraptan mu subali mu nung mamantabe ya keya ing Dios.

Juan 7:13

Oneng alang migsalitang hayagan tungkul kang Jesus uli na ning takut da karing pamuntuk da ring Judio.

Juan 7:31

Makanyan man dakal la karing tau ding meniwala kang Jesus at ngarang sinabi, Potang datang ne ing Cristo, gawa ya kayang dakal pang milagru kesa karing gewa na ning taung iti?

Juan 9:22

Makanyan lang migsalita ding pengari na uling tatakut la karing Judio at uli na ning pikasundu da ring Judio king itiwalag de king sinagoga ing ninumang sumabi king i Jesus ya ing Cristo.

Juan 9:34

Pekibat da, Ikang mipanganak at meragul king kasalanan, ikang turu kekame? At tiwalag de king sinagoga.

Ding Dapat 5:41

Meko lang kitmuan tula ding apostol king arap ning Konsehu, uling ila meyakit lang karapatdapat dumalan kaligaligan alang-alang king lagyu nang Jesus.

Roma 10:10

Uling maniwala tamu king kabubusalan na ning pusu tamu at uli na nita payalan na katamung kasalanan ning Dios; king kapamilatan na ning pamipasiag tamu king kasalpantayanan mililigtas tamu.

1 Juan 4:15

Ing ninumang sasabi king i Jesus ya ing Anak ning Dios, manatili ya king Dios at ing Dios naman manatili ya keya.

1 Juan 4:2

Iti ya ing batayan yu nung ninu ing panuknanganan na ning Espiritu ning Dios: ing mibubulalag king i Jesu-Cristo mikatawan yang tau, ya ing panuknanganan na ning Espiritung ibat king Dios.