Juan 12:40 - Ing Mayap a Balita Biblia

⁴⁰ Binulag na la mata at pepasias a buntuk, ban e la manakit ding mata ra at e la makaintindi ding pamisip da, at e la mibalik a lub kaku ban pakayapan ku la.

Juan 12:40 Iomraidhean Croise

1 Ari 22:20

Kanita kitang na ning Ginu, Ninu ing managkat kang Ahab ban munta ya at mate karin king Ramot ning Gilead? Mekibat ya ing metung karing anghel; at aliwa no man a pekibat ding aliwa.

Ding Dalit 147:3

Ding mebigu pakayapan na la, at lalanggasan na lang sugat da.

Ding Dalit 41:4

Ngakung sinabi king Ginu, Ginu, keka mikasala ku; malunus ka at uluan mu ku.

Ding Dalit 6:2

Lunusan mu ku, Ginu, uling sikanan ala ku; Ginu, uluan mu ku sana; mabilug kung katawan masakit ya.

Exodo 10:1

Kanita ngana ning Ginu kang Moises, Pakikitan me pa ing ari. Pepasias ke pusu at ding opisyal na ban akua ku lang arapat deting bage pagmumulalan libutad da,

Exodo 11:10

Gewa da la ngan di Moises at Aaron deting sablang bage pagmumulalan king arapan na ning ari, oneng pepasiasan ne pusu ning Ginu, at e ya mebisang palakuan na la ding Israelita king bansang sasakupan na.

Exodo 14:17

Pasiasan ku la lub ding tau Ehipto ban dulung la naman para tagal kekayu, at kaybat mirangal ku king kapamilatan na ning pamagtagumpe ku king ari, karing sundalus na, karing karung panggera na, at karing pakasake kareti.

Exodo 14:4

Pasiasan ke lub at tagalan na kayu, at aku naman tanggap kung dangalan uli na ning pamagtagumpe ku king ari ampon karing sundalus na. Abalu da kanita ding tau Ehipto king aku ing Ginu. Depatan da ring Israelita itang sinabi na karela.

Exodo 14:8

Pepasiasan ne pusu ning Ginu ing ari, inya tegalan na la ning ari ding Israelita a kanita kasalukuyan matagumpe tatakas.

Exodo 4:21

Ngana ning Ginu, Moises, anti na ning magbalik na ka Ehipto, e mu la sana kakalinguan gagawan detang sablang bage pagmumulalan king arapan ning ari. Dininan da kang upayang makarapat kareti. Makanyan man, pasiasan ke lub ing ari at e na la paintulutan mako ding Israelita.

Exodo 7:13

Menatili ya pa mu ring masias a pusu ing ari, at e ya bisang makiramdam kari Moises at Aaron, antimo ing sinabi na ning Ginu.

Exodo 7:3

Oneng pasiasan ke pusu ing ari at e na ka pakiramdaman agyang nu pa anti karakal ing daptan kung miyayaliwang makapagmulalang bage karin Ehipto.

Exodo 9:12

Oneng pepasiasan ne pa mu rin a pusu ning Ginu ing ari, antimo ing sinabi na kanita, at e ya mu rin mebisang makiramdam ing ari kari Moises at Aaron.

Isaias 26:11

E ra balu ding kekang kalaban king keka lang parusan. Ginu, ibili mu la king kamarinayan, at paburen lang misakitan; paburen lang magdusa king sidia mung parusa. Ipakit mu karela nung nu anti ing lugud mu karing pinili mung tau.

Isaias 29:10

Gewa na kayung mitutundu ning Ginu at makasadiang matudtud malalam. Ding peka mata na ning balen ila ding propeta, oneng tikpan na la mata ning Dios.

Isaias 53:5

Oneng mesugat ya uli da ring kekatamung kasalanan, mebugbug ya uli ning depat tamung e mayap. Ing parusang keyang pigdusan yang kekatamu mekapaldan, kinayap tamu king uli ra ding barug a digpa king katawan na.

Isaias 6:10

Kaybat sinabi na kanaku, Gawan mu lang mapurul a isip ding taung deti, maklak, at bulag ban e la manakit o makaramdam o makaintindi. Magkang magbalik la lub kanaku at maulu la nung manakit la, makaramdam, at makaintindi.

Isaias 6:9

Inya sinabi na ing mako na ku at iyatad ku karing tau ing anti kaniti: Agyang numanu kayung makiramdam, e kayu makaintindi. Agyang numanu kayung lumawe, e yu akit ing malilyari.

Jeremias 3:22

Magbalik na kayu, ikong sablang ginulut king Ginu; pakayapan na kayu at gawan na kayung tune tapat. Sasabian yu, Wa, lumapit na kami king Ginu uling ya ing kekaming Dios.

Jeremias 5:21

Pansinan yu iti, ikayung memalen a mangmang at alang balu; atin kayung mata, oneng e na ko man manakit, at atin kayung balugbug, oneng e na ko man makaramdam.

Ezekiel 12:2

Ngana, Anak ning tau, manuknangan ka ngeni libutad da ring taung mapag-rebeldi. Atin lang mata, oneng e la manakit; atin lang balugbug, oneng e la makaramdam uling lahi lang mapag-rebeldi.

Ezekiel 14:9

Nung melinlang ya ing propeta a minie maling pakibat, aku, ing Ginu, ing makipasari kanita. Itiwalag ke king katipunan da ring memalen na ning Israel.

Hosea 14:4

Nganang sasabi ning Ginu, Ibalik ku la kaku ding taung kakung memalen. Luguran ku la king mabilug kung pusu, uling e na ku mua karela.

Hosea 6:1

Ngara ding tau, Tara, magbalik ta na king Ginu! Penasakit na katamu, oneng siguradung uluan na katamu; sinugat na katamu, oneng bendahan na la ding sugat tamu.

Mateo 15:14

Paburen yu la ding Pariseo! Bulag lang talataid; nung tairan ne ning bulag ing kalupa nang bulag, parehu lang manabu king kulkul.

Marcos 4:12

ban kanita, Nanan da mang lumawe e la manakit, nanan da mang makiramdam e ra aintindian, pota mibalik la pa lub king Dios, at ya naman patawaran na la.

Marcos 6:52

uling e ra pa aintindian ing kabaldugan da ring tinape ni e ra abut isipan.

Lucas 4:18

Ing Espiritu ning Ginu atyu kanaku, uling pinili na ku ban ipanaral ke ing Mayap a Balita karing pakakalulu. Tinubud na ku ban ihayag ing kalayaan karing bihag, at ing pangabalik da panimanman ding bulag, at ing pangayatbus ding mayayalipit,

Lucas 8:10

Nganang mekibat Jesus, Miyabie kekayu ing beluan tungkul karing lihim ning Kayarian ning Dios, oneng miyabie karing aliwa king kapamilatan da ring talimhaga ban kanita lumawe la man e la manakit, at makiramdam la man oneng e la makaintindi.

Juan 12:39

Iti yang sangkan nung inya e la meniwala, uling sinabi na namang Isaias:

Juan 9:39

Sinabi nang Jesus, Dinatang ku king yatung iti ban matul, ban manakit la ding bulag at mabulag la ding manakit.

Ding Dapat 15:3

Inya linakad la bilang tubud na ning iglesia, at king pamandalan da king sakup ning Fenicia at Samaria pemalita ra nung makananu lang mekonberti ding paganu. Iti minie maragul a tula karing sablang talasalpantaya.

Ding Dapat 28:26

Uling nganang sinabi, Sulung, munta ka at sabian mu kareting tau: Makiramdam kayu mang ulit-ulit, e yu mu rin aintindian; lumawe kayu mang lumawe, e kayu manakit.

Ding Dapat 3:19

Inya ngeni sumisi kayu at magbalik lub king Dios ban mipatawaran ing kasalanan yu,

Roma 9:18

Inya dinan neng lunus ning Dios itang buri nang dinan at pasiasan ne buntuk itang buri na.

Deuteronomio 29:4

Angga man ngeni e na kayu pa dininan kaisipan ban aintindian yu, mata ban akit yu o balugbug ban damdaman yu.

Josue 11:20

Peintulut na karela ning Ginu ing mika sikanan lang lub lumaban maigpitan karing Israelita ban kanita lubus lang mawala at mate alang lunus, makayagpang king inutus na ning Ginu kang Moises.