Juan 12:34 - Ing Mayap a Balita Biblia

³⁴ Ngarang mekibat ding tau, Agpang king sasabian na ning Kautusan, ing Cristo manatili ya kapilan man. Inya makananu mung asabi king sukat yang itas ing Anak ning Tau? Ninu wari iting Anak ning Tau?

Juan 12:34 Iomraidhean Croise

2 Samuel 7:13

Ya ing mitalakad king templo para kanaku, at papanatilian ke king kapilan pa man ing tronu nang luklukan.

Ding Dalit 110:4

Atin yang pangaku ing Ginu keka, at iti e ne bawian. Ngana, Pari ka kapilan man; king pangapari nang Melkisedek karin ka makabilang.

Ding Dalit 72:7

Magbabo sa ing katuliran king kapanaunan na; laganap sa ing kapayapan anti ing saslag a bulan.

Isaias 53:8

Dekap de at sinintensia at kaybat liwal ban patayan; ala metung mang mekialam king meging keyang kapalaran. Pete re alang-alang king kasalanan ding kekatamung memalen.

Isaias 9:7

Ing makamal nang upaya manatiling daragul; manatili ing kapayapan king keyang kayarian. Manibala ya bilang kayalili nang Aring David, at makabasi ing upaya na king mayap at matulid manibat ngeni at angga na king kapilan pa man. Iti ngan daptan ning Ginung Mayupaya.

Daniel 2:44

King kapanaunan da ring pamuntuk a reta, mitatag yang metung a kayarian a alang kapupusan ing Dios ning banua. E ya malyaring masambut iti, nune lubus na lang lasakan ding kayarian at kaybat na nita, manatili ya kapilan man.

Daniel 7:14

Midinan yang kayupayan, dangalan, at upayang ari ban suyuan de ring tau da ring bansa, lahi, at salita. Manatili king kapilan pa man ing kayupayan na at e ya miwakasan ing kayarian na.

Daniel 7:27

Miyabie ya karing banal na ning Kakataskatasan a Dios ing upaya at ing degulan da ring kayarian king yatu. E mapupus ing karelang kayupayan at ding mamuntukan ning yatu suyuan da la at pamintuan.

Mikeas 4:7

Melumpu la at makarayu king bansang tibuan da, oneng dinan ku lang bayung pamagumpisa ding mitagan at maging metung lang maragul a bansa. Aku ing sumakup karela king Bunduk ning Zion manibat king panaun a ita at king alang angga.

Mateo 16:13

Inyang miras ya i Jesus banda king balen na ning Cesarea Felipe, kitang na karing alagad na, Agpang king sasabian da ring tau, ninu ing Anak ning Tau?

Mateo 21:10

Inyang linub ya Jerusalem i Jesus, megulu ya ing mabilug a siudad. Ninu kaya iti? ngarang kinutang ding tau.

Mateo 8:20

Nganang mekibat Jesus, Atin lang lunggang pisuluran ding asung-gubat at atin lang sale ding ayup, oneng ing Anak ning Tau ala ya mang apipagpaynawan.

Juan 10:34

Mekibat ya i Jesus karela, E wari makasulat king kekayung Kautusan, Sinabi ku, dios kayu?

Juan 12:32

At potang itas da na ku babo ning yatu, ilapit ku la kanaku ding sablang tau. (

Juan 15:25

Iti mepalyari ban matupad ing amanung makasulat king karelang Kautusan: Pikasaman da kung alang sangkan.

Juan 8:28

Inya sinabi nang Jesus, Potang ikua yu neng tinas ing Anak ning Tau, kanita yu abalu king Aku pin Ya; at king ala kung daraptan king sarili kung upaya nune magsalita ku agpang king tiru na kanaku ning Ibpa.

Roma 3:19

Ngeni balu tamu king ing nanumang makalaman king Kautusan mangaintulid karing sasakupan na ning Kautusan ban ala lang dalan maniangkan ding sabla, at ban ing meto yatu mipailalam ya king kayatulan na ning Dios.

Roma 5:18

Inya nung ing metung a kasalanan migdalang kaparusan karing sablang tau, makanyan namang migdalang kapatawaran at bie karing sablang tau ing depat na ning katau.

Hebreo 7:24

Oneng mabie ya i Jesus kapilan man at e ya miyalilan king panga-pari na.