Juan 12:32 - Ing Mayap a Balita Biblia

³² At potang itas da na ku babo ning yatu, ilapit ku la kanaku ding sablang tau. (

Juan 12:32 Iomraidhean Croise

2 Samuel 18:9

King e na tinap-tinapan Absalom akatagpu na la ring sundalus nang David. Makasake ya king metung a animal a mula i Absalom at daralan ya lalam na ning malabung a tanaman a ensina, at misabit ya ing buntuk na king metung karing sanga. Mibitin ya i Absalom at milayi ya ing mula.

Ing Malagung Diling Kanta 1:4

Kuanan mu ku at ituki; magmalagua kata, ika ing ari ku at king kuartu mu karin mu ku idala. Tamasan ta ikatang adua ing ligaya. Paintulut mung kakung takman ing lugud mung maniaman a maygit king alak a inuman. Matulid ing malsinta la keka ding sablang dalaga.

Isaias 11:10

Datang ing aldo potang ing bayung aring ibat king lahi nang David maging tanda ya para karing sablang bansa. Mitipun la ding bansa king banal a siudad at parangalan de.

Isaias 49:6

Ngana kaku ning Ginu, Kakung talasuyu, atin kung mas maragul a paobra keka; e mu ing ibalik mu ing dangalan ding mitagan a memalen ning Israel, nune gawan da ka namang sulu para karing sablang bansa, ban ing mabilug a yatu miligtas ya.

Hosea 11:4

Linapit ku la kaku king mitmung lugud at pakamal. Kinua ku la at linapit king salu ku; dinuku ku ban pakanan ku la.

Ding Bilang 21:9

Inya ginawa yang tangsung ubingan i Moises at binili ne king metung a asta. At e ya mate ing ninumang matuktuk ubingan a kamandagan a lumawe kaniting tangsung ubingan.

Juan 1:7

Dinatang ya ban munie patutu tungkul king sala ban king kapamilatan na ning pamipatutu na maniwala la ding sabla.

Juan 12:34

Ngarang mekibat ding tau, Agpang king sasabian na ning Kautusan, ing Cristo manatili ya kapilan man. Inya makananu mung asabi king sukat yang itas ing Anak ning Tau? Ninu wari iting Anak ning Tau?

Juan 18:32

Iti milyari ban matupad ing sinabi nang Jesus nung makananu yang mate.)

Juan 19:17

Linual yang mamusan king krus na papunta king lugal a mayayaus Lugal ning Bungu. (Golgota king salitang Hebreo.)

Juan 3:14

At nung makananu neng tinas Moises ing ubingan a tangsu king disyerto, makanyan ya namang sukat itas da ing Anak ning Tau

Juan 6:44

Alang makalapit kanaku subali mu nung ilapit ne ning Ibpang mitubud kanaku at pasublian keng mie king tauling aldo.

Juan 8:28

Inya sinabi nang Jesus, Potang ikua yu neng tinas ing Anak ning Tau, kanita yu abalu king Aku pin Ya; at king ala kung daraptan king sarili kung upaya nune magsalita ku agpang king tiru na kanaku ning Ibpa.

Galacia 3:13

Oneng linigtas na katamung Cristo king sumpang darala na ning Kautusan inyang anti yang misumpa alang-alang kekatamu; uling sasabian na ning kasulatan: Makasumpa ya ing ninumang ibitin da king dutung.

1 Timoteo 2:6

Inain na ing bie na ban iligtas na la ding sablang tau. Ya ing katunayan a mibulalag king mituldung panaun na ning banal nang parasan ning Dios ban miligtas la ding sabla.

Hebreo 2:9

Oneng ing akakit tamu ya i Jesus a king sinaguling panaun megawang mababang ditak kesa karing anghel. Ngeni akakit ta yang makakorona king ligaya at dangalan uli na ning kamatayan a delanan na. Kaburian na ning Dios king takman yang kamatayan i Jesus para kekatamu ngan.

1 Pedro 2:24

Dela na la king katawan nang Cristo ding kasalanan tamu kanitang pinaku de king krus ban kanita itamu mate ta na king kasalanan at mie tamu king katuliran. King kapamilatan da ring sugat a tinggap na, kinayap kayu.

1 Pedro 3:18

Uling i Cristo mismu mete ya para karing kekayung kasalanan, misan mu at para king kapilan pa man, ing taung banal para karing taung makasalanan, ban kanita akua na katamung ilapit king Dios. Pete re ing katawan na, oneng sinubli yang mebie bilang espiritual,

1 Juan 2:2

Uling i Jesu-Cristo mismu ya ing menatbus karing kasalanan tamu at aliwa mu karing kasalanan tamu, nune pati na karing kasalanan da ring sablang tau.

Kapahayagan 5:9

Kinta de ing bayung kanta. Ngara, Ika ing karapatdapat kuma king libru, at mibuklat karing tatak na. Uling pete ra ka at king kapamilatan na ning kekang kamatayan keka lang linigtas para king Dios ding taung manibat king balang lahi, salita, balen, at bansa.