Juan 12:27 - Ing Mayap a Balita Biblia

²⁷ Ngeni mababalisa ku pamisip. Nanu ing sabian ku? Sabian ku wari, Ibpa, iligtas mu ku king oras a iti? Ali, uling iti yang sangkan nung inya dinatang kuban dikilan ing kasakitan a iti.

Juan 12:27 Iomraidhean Croise

Juan 12:23

Pekibat nang Jesus, Dinatang na ing oras ban mipaligayan ya ing Anak ning Tau.

Hebreo 5:7

King kekaban na ning bie na king yatu, miyain yang panalangin i Jesus at menigapu yang masikan at menangis arap ning Dios a makapagligtas king kamatayan na. Uli na ning migpakumbaba ya at memintu, pekiramdaman ne ning Dios.

Juan 13:21

Inyang asabi nang Jesus iti, melingasngas ya pilubluban at nganang migtapat, Ing katutuan sasabian ku kekayu: pagtaksilan na ku ning metung kekayu.

Mateo 26:42

King kaduang besis pasibayu na lang likuan Jesus at saka ya menalangin. Ngana, Ibpa ko, nung e ya malyaring mirayu iting kopa anggang e ke inuman, ing kaburian mu ya ing matupad.

Isaias 38:15

Nanung kakung asabi? Ing Ginu ya ing makipasari kaniti. Maskup ya'ng salu ku, at e ku mipatudtud.

Hebreo 2:14

Anti na ning ding sablang anak, antimo ing aus na karela, tau lang ating laman at daya, i Jesus mismu mekilupa ya karela at mekisanmetung ya king karelang pangatau. Depat na iti ban king kapamilatan na ning kamatayan na akua neng paten ing diablo a makikayupayan king kamatayan.

Lucas 22:44

Uli na ning mabayat a panamdam na, lalu yang menalangin taimtim; tutulu ing pawas na a mengaring dayang papatak king gabun.]

Juan 18:37

Nganang Pilato, Ing buri mung sabian, metung ka ping ari? Mekibat ya i Jesus, Ika ing sasabing ari ku. Iti ya ing sangkan nung inya mibait ku at dinatang keti king yatu ban munie patutu king katutuan. Makiramdam ya kanaku ing ninumang atyu king katutuan.

Lucas 22:53

Tuturu ku aldo-aldo king Templo at atyu kayu naman karin; makanyan man e yu ku dekap. Oneng panaun yu ngeni at ing upaya na ning karalumduman ya ing matutupad.

Ding Dalit 88:3

E ku na akarga ing problemang kaku dinatang, at ing kamatayan maibug na na kung akmulan.

Isaias 53:3

Lepastangan de ring tau at tinggian; pibata na ing kaplas at ing kasakitan. Ala mang bisang lumawe king keyang kabilian; e ta ya pinsingan, anti yang alang kabaldugan.

1 Timoteo 1:15

Oyni ing metung a katutuan a kailangan dang tanggapan at paniwalan ding sabla: dinatang ya i Cristo Jesus keti king yatu ban iligtas na la ding makasalanan at aku ing marok dili karela.

Juan 11:41

Inya leko re ing batu. Tinalanga ya banua i Jesus at ngana, Ibpa, pasalamat ku king pakiramdaman mu ku.

Mateo 11:25

King oras a ita nganang migsalitang Jesus, Ibpa, Ginu na ning banua at yatu! Pasalamatan da ka uling pepakilala mu karing taung musmus ing e mu pepakilala karing mangabiasa at maisip.

Ding Dalit 6:3

Magdusa kung e makanyan-kanyan king maragul a kalingasngasan. O Ginu, angga kapilan, iting kasakitan?

Mateo 11:26

Wa, Ibpa, uling iti ya ing sarili mung tula at kaburian.

Mateo 26:45

Kaybat na nita, belikan na la ding alagad at ngana karela, Matudtud kayu pa at paynawa angga ngene? Miras na ing oras ban ing Anak ning Tau manabu ya king gamat da ring taung makasalanan.