Juan 12:26 - Ing Mayap a Balita Biblia

²⁶ Ing ninumang bisang sumuyu kanaku kailangan yang tuki kanaku; nung nu ku karin, karin ya naman ing talasuyu ku. Parangalan neng Ibpa ku ing ninumang susuyu kanaku.

Juan 12:26 Iomraidhean Croise

Ding Dalit 17:15

Lupa mu kaku yang tangalan, uling darapat kung katuliran, at kagising ku neng abak tula kumatmu ku uling 'tyu ku arapan mu.

Ding Dalit 91:15

Potang maus la kaku kaku lang pakibatan; kaku lang saupan king karelang kagutgutan; kaku lang iligtas at parangalan.

Ding Kasebian 27:18

Sesen me ing tanaman a mangga at mika pamangan ka karing bunga na. Ing talasuyung sesese king keyang panginuan, tanggap yang karangalan.

Ding Bilang 14:24

Makayaliwa ya karela i Caleb a talasuyu ku. Tapat ya at memintu ya kanaku. Inya miras ya king gabun a pintalan na at maging bandi de ring lahi na.

Ding Bilang 32:11

Uling e la memintu kanaku king mabilug dang pusu, ala metung mang miras king gabun a pengaku kung ibie kang Abraham, Isaac, at Jacob karing lalaking ibat king Ehipto a magumpisa king idad aduang pulung banua.

Mateo 16:24

Kaybat na nita, sinabi nang Jesus karing alagad na, Nung ing ninuman bisa yang tuki kanaku, sukat nang kalinguan ing sarili na, pusanan ne ing krus na at tuki ya kanaku.

Mateo 25:21

Ngana ning amu na, Masanting! Salamat king sipagan mu at katapatan! Anti na ning apaniwalan da ka king anti kareting alaga, ipaniwala ku la keka ding lalung mangaragul a alaga. Mekeni, makisulu ka kanaku.

Marcos 8:34

Pepalapitan na lang Jesus ding dakal a tau at ding alagad na. Ngana karela, Nung bisa yang tuki kanaku ing ninuman, payalian na ing sarili na, pusanan ne ing krus na, at tuki ya kanaku.

Lucas 12:37

Mapalad la ding ipus a dasnan nang makagising at manaya king karelang panginuan! Sasabian ku kekayu, magsadia yang pamangan ing panginuan, paluklukan na la king lamesa at silbian na la.

Lucas 6:46

Baket ausan yu kung Ginu, Ginu, at e yu naman daraptan ing sasabian ku?

Lucas 9:23

At sinabi na naman karela ngan, Nung ing ninuman bisa yang tuki kanaku, kalinguan na ing sarili na, pusanan ne ing krus na aldo-aldo, at tuki ya kanaku.

Juan 10:27

Makiramdam la king siwala ku ding kanakung tupa at akikilala ku la at tutuki la kanaku.

Juan 13:16

Ing katutuan sasabian ku kekayu: e ya maygit ing ipus king panginuan na ni e ya maygit ing tinubud king mitubud keya.

Juan 14:15

Nung kaluguran yu ku, pamintuan yu la ding utus ku.

Juan 14:3

At nung miras na ku at mekapagsadiang lugal para kekayu, mibalik kung pasibayu keti at ituki da kayu ban nung nu ku karin, karin kayu naman.

Juan 15:20

Ganakan yu ing sinabi ku kekayu: E ya maygit ing ipus king panginuan na. Nung ligaligan da ku, ligaligan da kayu naman. Nung tiparan da ing amanu ku, tuparan da naman ing kekayu.

Juan 17:24

Ibpa, buri ku king nung nu ku karin kayabe ku la ding binie mu kanaku ban akit da ing binie mung kaligayan kanaku, uling liguran mu na ku bayu ya melalang ing yatu.

Juan 21:22

Pekibat nang Jesus, Nung burian kung mie ya angga king pamagbalik ku, nanu keka ita? Ika tuki ka kanaku!

Roma 1:1

Ibat ya iting sulat kang Pablo, ing talasuyu nang Cristo Jesus at meyaus maging apostol at mepili ban manaral king Mayap a Balita ning Dios.

Roma 14:18

At ninuman ing susuyu kang Cristo king anti kanyan a paralan katanggap-tanggap ya king Dios ampon king tau.

2 Corinto 4:5

Aliwa ing sarili mi, nune i Cristo Jesus ya ing panaral mi bilang kekatamung Ginu, at ikami bilang talasuyu yu king uli nang Jesus.

2 Corinto 5:8

Masikan tamu lub; buri ta neng lakuan ing katawan ban manuknangan kayabe na ning Ginu.

Galacia 1:10

King pamagsalita kung makanyan, ing kapurian da kaya ding tau ya ing kanakung pagnasan? Ali! Ala kung aliwang pagnasan nune mu ing kapurian na ning Dios! Ing aku mibantug ku karing tau, ya kaya ing pakikuanan ko? Nung yan ya pa ing pakikuanan ku, e na ku kailangan maging talasuyu nang Cristo!

Filipos 1:23

Makasipit ku karing aduang bage: tune kung buring lakuan ing bie'ng iti ban makapakiabe na ku kang Cristo at iti alang kasimpara kayapan;

Colosas 3:24

Ganakan yu king ablasan na kayu ning Ginu; tanggapan yu king Ginu ing sidia na para karing pinili na. Uling i Cristo ya ing tune Panginuan a kekayung susuyuan.

Colosas 4:12

Pakomusta na kayung Epafras, ing metung pa munamang menibatan king grupu yu at talasuyu nang Cristo Jesus. Taimtim na kayung ipanalangin parati; aduan na king Dios ing gawan na kayu sanang matatag at lubus mapamintu king kaburian na.

2 Pedro 1:1

Ibat ya iting sulat kang Simon Pedro, ing metung karing talasuyu at apostol nang Jesu-Cristo. Miparala ya kekayung dininan na ning kekatamung Dios at Talapagligtas a i Jesu-Cristo, king maulagang kasalpantayanan a kalupa na ning kekami, ketang katuliran na.

1 Juan 5:3

Uling ing pamaglugud king Dios mangabaldugan pamanupad karing kautusan na. At e na la man masakit tuparan ding kautusan na,

Judas 1:1

Ibat ya iting sulat kang Judas, ing talasuyu nang Jesu-Cristo at kapatad nang Santiago. Miparala ya karing sablang inaus na ning Dios, ding mabibie king lugud na ning Dios Ibpa at king saup nang Jesu-Cristo.

Kapahayagan 14:4

Ila deti ring lalaking e mika kaugnayan karing babai; birhen lang lalaki. Tutuki la king Kordero nukarin ya man munta. Meyatbus la karing tau ban maging mumuna lang ain king Dios at king Kordero.

1 Samuel 2:30

Inya pakiramdaman mu ngeni ing pasabi na keka ning Ginu, ing Dios ning Israel: Kanitang milabas sinabi ku king ing pamilya mu at ing pamilya nang tata mu ilang sumuyu kanaku angga king alang angga, oneng ngeni e na makanyan. Ding parangalan ku ila mu detang parangal kanaku, at e ku la parangalan detang misasakuil kanaku.