Juan 12:23 - Ing Mayap a Balita Biblia

²³ Pekibat nang Jesus, Dinatang na ing oras ban mipaligayan ya ing Anak ning Tau.

Juan 12:23 Iomraidhean Croise

Isaias 55:5

Ngeni keka lang ausan ding aliwang bansa a kanitang misan ila e ra ka kakilala, oneng ngeni mamirapal lang datang ban makiabe la keka! Aku, ing Ginung kekang Dios, ing banal nang Dios ning Israel, iti kaku ngan papalyarian; dinan da kang ligaya at dangalan.

Isaias 60:9

Barku lang ibat karing marayung bansa, piniling tau ning Dios yuyuli da la. Pilak at gintu ing darala ra ban ing lagyu ning Ginu parangalan da, ing banal nang Dios ning Israel a makipasari karing sablang bansa ban parangalan lang taung pinili na.

Mateo 25:31

Potang datang ne ing Anak ning Tau antimong Aring makamal at ding sablang anghel a kayabe na, lukluk ya king mal a tronu.

Mateo 26:45

Kaybat na nita, belikan na la ding alagad at ngana karela, Matudtud kayu pa at paynawa angga ngene? Miras na ing oras ban ing Anak ning Tau manabu ya king gamat da ring taung makasalanan.

Marcos 14:35

Sinulung ya pang ditak at saka ya menalangin makasakab king gabun king e sa daratang ing oras ning kasakitan na.

Marcos 14:41

King katlung pamagbalik na, sinabi na karela, Angga ngeni matudtud kayu pa at magpaynawa? Migising na kayu! Dinatang na ing oras! Miyabie ne ing Anak ning Tau karing gamat da ring makasalanan.

Juan 12:16

King oras a ita, e ra aintindian iti ding alagad; oneng inyang mipaligayan ne i Jesus kanita ra aganaka king iti misulat tungkul keya at king depat da iti para keya.

Juan 12:27

Ngeni mababalisa ku pamisip. Nanu ing sabian ku? Sabian ku wari, Ibpa, iligtas mu ku king oras a iti? Ali, uling iti yang sangkan nung inya dinatang kuban dikilan ing kasakitan a iti.

Juan 13:1

Bespera na kanita ning Piesta ning Pamaglagpus. Balu nang Jesus king dinatang na ing oras na ban mako ya keti king yatu at mibalik ne king Ibpa. Kaluguran na la ding bandi na a atyu king yatu at liguran na la angga king kawakasan.

Juan 7:39

Iti sinabi na tungkul king Espiritu a tanggapan ding maniwala keya. E ya pa miyabie kanita ing Espiritu uling e ya pa mipaligayan i Jesus.