Juan 12:2 - Ing Mayap a Balita Biblia

² Pigsadia deng apunan karin. Sinaup yang migsilbi i Marta at metung ya i Lazaro karing kasulu nang Jesus king lamesa.

Juan 12:2 Iomraidhean Croise

Ing Malagung Diling Kanta 4:16

Tumiup ka, O angin ning norti! Datang na ka, O angin ning mauli! Tiupan yang kakung hardin ban banglu mikalat. Paburen yang datang king hardin na ing kakung pakamalan at mangan karing prutas a pekamaniaman.

Mateo 26:6

Kanitang atyu karin Betania i Jesus, minta ya king bale nang Simon a leprosuan.

Marcos 14:3

Atyu kanita karin Betania i Jesus, king bale nang Simon a leprosuan. Kabang mamangan ya, dinatang ya ing babaing magdalang metung a alabastrong lulanan mitmung mal a pabanglu; purung laru a ibat king tanaman a nardo. Biklat ne ing alabastrong lulanan at tigtug na ing pabanglu king buntuk nang Jesus.

Lucas 12:37

Mapalad la ding ipus a dasnan nang makagising at manaya king karelang panginuan! Sasabian ku kekayu, magsadia yang pamangan ing panginuan, paluklukan na la king lamesa at silbian na la.

Lucas 14:12

Sinabi na naman Jesus king mengumbira keya, Neng magtau ka, e mu la kukumbiran ding kekang kakaluguran o ding kekang kapatad o ding kekang kamaganak o ding masalaping siping mung bale, uling kumbiran da ka naman, at kanita miyablasan ka king depat mu karela.

Lucas 22:27

Ninu ing lalung marangal, ing makalukluk king lamesa o ing susuyu keya? Siempre, itang makalukluk. Oneng atyu ku libutad yu bilang metung a talasuyu.

Lucas 5:29

At pigtawan neng maragul Levi i Jesus king bale na. Dakal lang talapanyingil buis at aliwa pang tau ding kasulu ra.

Kapahayagan 3:20

Lawan mu, makatalakad ku arap ning pasbul at tutuktuk; nung pakiramdaman na ning ninuman ing siwala ku at ibuklat ne ing pasbul, malaus ku king bale na at ya ampon aku miyabe kaming mangan.