Juan 12:16 - Ing Mayap a Balita Biblia

¹⁶ King oras a ita, e ra aintindian iti ding alagad; oneng inyang mipaligayan ne i Jesus kanita ra aganaka king iti misulat tungkul keya at king depat da iti para keya.

Juan 12:16 Iomraidhean Croise

Marcos 16:19

Kaybat nang migsalita karela, mitas ya banua ing Ginung Jesus, at linukluk ya king banda nang wanan ning Dios.

Marcos 9:32

E ra aintindian ing kabaldugan na ning sinabi nang Jesus, oneng tatakut lang mangutang kang Jesus.

Lucas 18:34

Oneng e ra aintindian ding alagad ing dimdam da; e malino karela ing kabaldugan na nita at e ra balu nung nanu ing amanuan nang Jesus.

Lucas 24:25

Kanita sinabi nang Jesus karela, Kapurul yu naman a isip! Angga ngeni e yu pa paniwalan ing sablang inula da ring propeta?

Lucas 24:45

Kanita biklat na la pamisip ba da lang aintindian ding Kasulatan

Lucas 9:45

Oneng e ra aintindian ing kabaldugan na ning sinabi na. Milihim karela ban e ra aintindian. Mikakunu na la mang ikutang da kang Jesus nung nanu ing kabaldugan na niti.

Juan 12:23

Pekibat nang Jesus, Dinatang na ing oras ban mipaligayan ya ing Anak ning Tau.

Juan 14:26

Oneng ing Talasaup, ing Banal a Espiritu a itubud na ning Ibpa king lagyu ku, ya ing mituru kekayu king sablang bage. Paganaka na kekayu ing sablang sinabi ku kekayu.

Juan 16:4

Sinabi ku la deting bage kekayu ban nung datang na ing oras a daptan da iti, aganaka yu king sinabi ku na la kekayu. E ku la sinabi deting bage kekayu kanitang minuna uling kayabe yu ku pa.

Juan 17:5

At ngeni, Ibpa, paligayan mu ku king keka mu ring kaligayan a sadiang atyu kanaku king pangayabe ku keka bayu ya melalang ing yatu.

Juan 2:22

Inya inyang sinubli neng mie, aganaka da ring alagad na king sinabi na iti; at meniwala la king kasulatan at karing amanung sinabi nang Jesus.

Juan 7:39

Iti sinabi na tungkul king Espiritu a tanggapan ding maniwala keya. E ya pa miyabie kanita ing Espiritu uling e ya pa mipaligayan i Jesus.

Ding Dapat 2:33

Mitas ya king banda nang wanan ning Dios at tinggap ne keya ing Banal a Espiritu, antimo ing pengaku na ning Ibpa na at ing akakit yu at daramdaman ngeni ya itang kalam a tigtug nang labis-labis kekami.

Ding Dapat 2:36

Uli na niti, kailangan dang abalu ding sablang memalen ning Israel king masalang tutu king iting Jesus, ing pinaku yu king krus, ya ing gewa nang Ginu at Cristo ning Dios!

Ding Dapat 3:13

Ing Dios nang Abraham, Isaac, Jacob, at ing Dios ding kekatamung makatua ya ing pepaligaya king Talasuyu nang i Jesus. Oneng ikayu ing peparakap keya at kaybat tinggian ye king arapan nang Pilato, agyamang buri neng ipabulus Pilato.

Hebreo 12:2

E ta la lalako ding mata tamu kang Jesus uling keya megumpisa at migaganap ing kekatamung kasalpantayanan. E ya pepaisira lub i Jesus uli na ning krus! Nune, uli na ning tulang makapanaya keya pibata na ing kamarinayan a mate ya king krus. At ngeni atyu makalukluk king banda nang wanan ning tronu na ning Dios.

Hebreo 8:1

Ing kapupuntan na ning sablang sasabian mi ya ini: atin tamung metung a Pekapun ding Pari a makalukluk king banda nang wanan ning tronu ning Kakataskatasan a Dios.