Juan 12:15 - Ing Mayap a Balita Biblia

¹⁵ Siudad ning Zion, e ka tatakut! Oyan, daratang ya ing ari mu, makasake ya king biserung asno!

Juan 12:15 Iomraidhean Croise

2 Samuel 15:1

Kaybat na nita, mika karwahe ya at mapilan a kabayu i Absalom. Atin ya namang limang pulung tauan a abe na.

2 Samuel 16:2

Nganang kinutang David, Obat dela mu keti yan? Nganang mekibat Ziba, Babie ku la pu king pamilya yu deting aduang asno; deni namang pung tinape at prutas para karing tauan yu la, at iting alak para king kenu ya mang kumau king paglakad na king ilang.

1 Ari 1:33

Ngana karela ning ari, Ituki yu la ring kanakung opisyal; pasaken ye ing anak kung i Solomon king sarili kung mula, at patnubayan ye king pamunta na king Sibul ning Gihon.

Isaias 41:14

Ing Ginu sasabian na, Israel, agyang malati ka at maina, e ka sana tatakut; saupan da ka. Aku, ing banal a Dios ning Israel, ing magligtas keka.

Isaias 62:11

king ing Ginu ipabalu na ing anti kaniti king yatu: Sabian yu karing memalen ning Jerusalem king daratang ya ing Ginu ban magligtas kekayu; darala na la taung segipan na!

Mikeas 4:8

At ika, Jerusalem a tore a pipagbanten na ning Dios a antimong pastul a magbante karing memalen na, pasibayu kang maging sentru na ning kayarian a keka kanitang misan.

Zacarias 9:9

Magsaya kayu, memalen ning Zion! Kulisak kayu king tula, ikong tau Jerusalem! Lawan yu, daratang ya kekayu ing kekong ari! Daratang yang kayabe ing tagumpe, oneng mapagpakumbaba ya at metung yang asno ing sasaken na, metung yang biseru, anak ning gaindung asno.

Mateo 21:5

Sabian yu king siudad ning Zion: Lawan mu, daratang ya keka ing kekang ari. Mapagpakumbaba ya at makasake ya king metung a asno, at king metung a biseru, ing biseru ning asno.

Juan 12:14

Ikit neng Jesus ing metung a biserung asno at sekian ne, antimo ing sasabian na ning kasulatan:

Deuteronomio 17:16

E ya malyaring mika ating dakal a kabayu ing maging ari yu at e ya malyaring mitubud tau king Ehipto ban saling kabayu, uling babawal na kekayu ning Ginu ing mibalik pa karin.

Ukum 12:14

Mika apat yang pulung anak a lalaki at atlung pulung apung lalaki a ating sarasariling asno. Penimunan neng Abdon ing Israel kilub ding walung banua.

Ukum 5:10

Pamalita yu, ikong pakasake karing maputing asno, ikong karing sia pakalukluk, at ikong lalakad nukarin kayu man munta.