Juan 12:13 - Ing Mayap a Balita Biblia

¹³ Memangua lang sangang palma at linual la ba reng salubungan. Ngarang kukulisak, Purian ya ing Dios! Bendisyunan ne sa ning Dios ing daratang king lagyu ning Ginu!

Juan 12:13 Iomraidhean Croise

Isaias 44:6

Ing Ginung sasakup at mimingat king Israel, ing Ginung Mayupaya, sasabian na, Aku ing mumuna, ing tauli, ing bukud mung Dios, ala nang aliwang dios subali kaku.

Hosea 3:5

Oneng datang ing panaun at pasibayu lang magbalik king Ginung karelang Dios at king metung a lahi nang David a karelang ari. Potang datang ne ing aldong ita, mika takut la king Ginu at tanggapan da ing kayapan na.

Levitico 23:40

King mumunang aldo kuma kayu karing pekamasanting a bunga da ring kekayung tanaman, sangang palma, at sanga karing mangalabung a tanaman ampon timbu karing sapa. Kaybat na nita, pagumpisan yu na ing sagradung selebrasyun kilub ding pitung aldo bilang parangal kanaku, ing Ginung kekayung Dios.

Zepania 3:15

Tiknang na na ning Ginu ing kekang parusa; leko na na la sablang kekang kalaban. Ing Ginu, ing Ari ning Israel, atyu keka; ala nang sangkan ngeni ban tumakut ka.

Mateo 23:39

Sasabian ku keka, e mu na ku akit pasibayu manibat ngeni anggang e mu sabian, Bendisyunan ne sa ning Dios ing daratang king lagyu ning Ginu.

Mateo 27:42

Linigtas na la ding aliwang tau oneng e na aligtas ing sarili na! Ya kanu ing Ari ding Israelita! Nung kuldas ya ngeni king krus, maniwala kami keya!

Juan 1:49

Nganang Nathanael, Maestro, ika ing Anak ning Dios! Ika ing Ari ning Israel!

Juan 12:14

Ikit neng Jesus ing metung a biserung asno at sekian ne, antimo ing sasabian na ning kasulatan:

Juan 12:15

Siudad ning Zion, e ka tatakut! Oyan, daratang ya ing ari mu, makasake ya king biserung asno!

Juan 19:15

Oneng kilisak da, Paten ya! Paten ya! Ipaku ya king krus! Nganang kinutang Pilato karela, Ipapaku ke king krus ing kekayung Ari? Mekibat la ding pamuntuk da ring pari, Ala keng ari nung e mu ing Emperador!

Kapahayagan 15:3

Kakanta de ing kanta nang Moises a talasuyu na ning Dios, at ing kanta na ning Kordero. Ngana, O Ginung Dios a Mayupayang tutu, marangal la at makapagmulala ding kekang dapat! O Ari ding bansa, matulid la at katutuan ding kekang dalan!

Kapahayagan 19:16

Makasulat ya king imalan na at king puad na ing lagyung Ari da ring sablang ari at Ginu da ring sablang ginu.

Kapahayagan 7:9

Kaybat na nita, ikit ku la ding tutung dakal a tau; e na la abilang ning ninuman king karakal da! Ibat la deti king balang bansa at lahi, balen at salita. Makatalakad la arap ning tronu at ning Kordero. Makaimalan lang makaba at maputi at atin yang tatalnan a sangang palma ing balang metung.