Juan 12:1 - Ing Mayap a Balita Biblia

¹ Anam a aldo bayu ing Piesta ning Pamaglagpus, minta ya i Jesus king Betania, ing balen nang Lazaro a pepasublian nang mebie.

Juan 12:1 Iomraidhean Croise

Mateo 21:17

Likuan na lang Jesus at linual ya king siudad at minta ya Betania. Karin na linabas ing bengi.

Marcos 11:11

Linub ya Jerusalem i Jesus, at tinaglus ya kilub na ning Templo. Kaybat nang linawe ing sablang atyu karin, linual ya at ding labing adua at minta la Betania anti na ning mabibengi na.

Lucas 24:50

Kaybat na nita, tiki na lang Jesus king lual na ning siudad. Karas da Betania, tinas na la ding gamat na at binendisyunan na la.

Lucas 7:37

King balen a ita ating metung a babaing mabibie king pamikasala. Abalitan neng atyu makipangan king bale na ning Pariseo i Jesus. Uli na nita, migdala yang metung a alabastrong lulanan mitmung pabanglu.

Juan 11:1

Ating metung a taung masakit; Lazaro ing lagyu na. Tau ya Betania, ing balen nang Maria at ning kapatad nang i Marta. (

Juan 11:43

Pangasabi na niti, kinulait yang masikan. Ngana, Lazaro, lumual ka!

Juan 11:44

Linual ya ing mete; makabalut la ding gamat at bitis na king telang pamburul at makabalut yang imalan ing lupa na. Nganang Jesus karela, Kalagan ye at paburen yeng lumakad.

Juan 11:55

Malapit na ing Piesta ning Pamaglagpus da ring Judio. Dakal lang taung ibat karing balen at baryu ding minukiat Jerusalem bayu magpiesta ban gampanan da ing seremonia na ning pamaglinis.

Juan 12:12

Kabukasan, abalitan da ring dakal a taung dinatang makipamiesta king datang ya i Jesus.

Juan 12:20

Ating mapilan a Griego karin a minta king piesta ban samba.

Juan 12:9

Abalitan da ring dakal a Judio king atyu Betania i Jesus. Inya minta la karin, e mu king uli na, nune ban akit dia naman i Lazaro a pepasublian nang mebie.