Juan 11:9 - Ing Mayap a Balita Biblia

⁹ Nganang Jesus karela, E ya wari labing aduang oras ing patingapun? E ya mitakid ing ninumang lalakad king masala uling akakit na ing sala na ning yatu.

Juan 11:9 Iomraidhean Croise

Ding Kasebian 3:23

Inya lumakad kang alang takut at e ka misakab.

Jeremias 31:9

Kikiak lang datang ding taung kakung memalen; manalangin la kabang kaku lang tatairan. Tairan ku la karing sibul ning danum, karing patag a dalan, at e la misakab. Uling anti kung tata para king Israel, at ing Efraim ya ing kakung pangane.

Juan 11:10

Oneng mitatakid ya ing ninumang lalakad king bengi uling alang sala keya.

Juan 12:35

Nganang Jesus karela, Ditak nang panaun ing akayabe ye ing sala. Lumakad kayu kabang atyu kekayu ing sala, pota arakap na kayu ning dalumdum. E na balu ning lalakad king dalumdum nung nu ya pupunta.

Juan 9:4

Kabang aldo pa sukat ta lang daptan ding dapat na nitang mitubud kanaku. Ing bengi daratang nung kapilan ala nang makapagobra.

1 Juan 2:10

Ing lulugud king kapatad na manatili ya king sala, at e ya maging sangkan king pamikasala na ning kalupa nang tau.