Juan 11:54 - Ing Mayap a Balita Biblia

⁵⁴ E ne linakad bulalagan i Jesus king Judea. Meko ya at minta king lugal a malapit king disyerto, king balen a mayayaus Efraim. Karin ya menatiling kayabe da ring alagad na.

Juan 11:54 Iomraidhean Croise

2 Samuel 13:23

Kalabas da ring aduang banua, inagkat na lang Absalom ding sablang anak nang lalaki ning ari. King panaun a ita atyu la king Baal Hazor ding tupa nang Absalom at paurud na la ding tupa na. Malapit ya ing lugal a ita king balen ning Efraim at karin la mikit-ikit ding kumbiradu.

2 Cronica 13:19

E ya pepatugut i Abiya king pamanintun na kang Jeroboam, inya abihag na la ding siudad ning Betel, Jesana, Efron, at ding baryung makasiping kareting mesabing siudad.

Juan 10:40

Pasibayu yang minta i Jesus king kasumangid na ning Ilug ning Jordan, king lugal nung nu ya minunang meminyag i Juan. Menatili ya karin.

Juan 18:20

Mekibat ya i Jesus. Ngana, Hayagan kung migsalita karing sablang tau; parati kung tuturu kilub da ring sinagoga at kilub ning Templo nung nu la parating mititipun ding Judio. Ala kung sinabi nanuman king makasalikut.

Juan 7:1

Kaybat na nita, miglakbe ya i Jesus king Galilea. E ya bisang maglakad king Judea uling buri deng paten ding Judio.

Juan 7:10

Kalako da ring kapatad na ban makipamiesta, minta ya mu rin i Jesus, oneng e mu hayagan nune pasalikut.

Juan 7:13

Oneng alang migsalitang hayagan tungkul kang Jesus uli na ning takut da karing pamuntuk da ring Judio.

Juan 7:4

Uling alang taung darapat makalihim, nung bisa yang maging pikabaluan. Anti na ning daraptan mu na la deting bage, pakilala na ka king yatu! (