Juan 11:53 - Ing Mayap a Balita Biblia

⁵³ Inya manibat king aldong ita minisip na lang paralan ban apapate re i Jesus.

Juan 11:53 Iomraidhean Croise

Genesis 37:18

Malaut ya pa ikit da ne at bayu ya milapit karela apisanmetung da nang paten de.

Nehemias 13:21

Belan ku la king anti kaniting amanu: E kayu magkampu ken! Kabud inulit yung pasibayu yan, mapilitan kung gumamit puersa laban kekayu. Manibat na kanita e na la mibalik king Aldo ning Sabbath.

Nehemias 4:16

Manibat na kanita, magobra la ding kapitna karing tauan ku at ding kapitna naman mag-guardia la. Pakasulud lang baluti, atin lang tandus, kalasag, pana ampon paslu. At binie da ring kekaming pamuntuk ing sablang agyu rang isaup karing memalen

Ding Dalit 113:2

Mananu na sanang ing lagyu ning Ginu ya ing purian da ngeni, at king kapilan pa man.

Ding Dalit 2:2

Ari keting yatu abe-abe la, at e mayap ing buri da; karelang mamuntukan mipupulung la; ing Ginu ya'ng buri dang labanan at ing aring pinili na.

Ding Dalit 31:13

Daramdaman ku ing pisisitsitan da ku; tatakut ku nu ku man marap; uling misanmetung la ngan ban bie ku karelang patayan.

Ding Dalit 71:10

Magsalita lang laban kaku ding kalaban, at buri da kung patayan.

Jeremias 38:15

Sinabi ku, Nung sabian ku keka ing katutuan, ipapate mu ku mu, at nung dinan da kang payu e mu munaman pakiramdaman.

Jeremias 38:4

Kanita minta la king ari ding opisyal at sinabi ra, Makamal a Ari, sukat yang paten ing lalaking iti. Painan na la lub ding sundalus na ning siudad king pamagsalita nang makanyan; daraptan na ing anti kanyan pati na karing taung mitagan king siudad. E na la sasaupan ding memalen; buri namu ing kapahamakan.

Mateo 12:14

Meko la kanita ding Pariseo at pisabisabi ra nung makananu reng apapate i Jesus.

Mateo 16:21

Manibat na kanita pepakilala nang Jesus karing alagad na king kailangan yang munta Jerusalem at dumalan dakal a kasakitan king gamat da ring makatua na ning balen, ding pamuntuk da ring pari, at ding talaturu ning Kautusan, at ipapate re. Oneng king katlung aldo subli yang mie.

Mateo 22:46

Agyang metung mung amanu alang mekapakibat kang Jesus, at manibat na ketang aldong ita ala nang mengangas pang mangutang kang Jesus.

Mateo 26:4

Pipulung da nung makananu reng aparakap king makalihim i Jesus at kaybat ipapate re.

Mateo 26:59

Ding pamuntuk da ring pari at ing mabilug a Sanhedrin pilit lang manintun saksing maglaram laban kang Jesus ba reng apapate.

Marcos 14:1

Adua na mung aldo at Piesta na na ning Pamaglagpus at ning Tinape Alang Lebadura. Manintun lang paralan ding pamuntuk da ring pari at ding talaturu ning Batas ban lihim deng aparakap at apapate i Jesus.

Marcos 3:6

Meko la ding Pariseo at mekikit la karing tauan nang Herodes; pisabisabi ra kanita mu rin nung makananu reng apapate i Jesus.

Juan 11:47

Inya ding Pariseo ampon ding pamuntuk da ring pari inawad dang mipulung ya ing Sanhedrin. Ngarang kinutang, Nanu ing daptan tamu? Darapat yang dakal a milagru ing taung iti!

Juan 12:10

Binalak da ring pamuntuk ding pari king papate ria naman i Lazaro

Juan 7:1

Kaybat na nita, miglakbe ya i Jesus king Galilea. E ya bisang maglakad king Judea uling buri deng paten ding Judio.

Ding Dapat 5:33

Mimua la ding miembru na ning Konsehu inyang dimdam da iti, inya inari da king lub da ing ipapate da la ring apostol.

Ding Dapat 9:23

Kalabas da ring dakal a aldo, mipulung la ding Judio at pisabi ra nung makananu reng apapate i Saulo;