Juan 11:44 - Ing Mayap a Balita Biblia

⁴⁴ Linual ya ing mete; makabalut la ding gamat at bitis na king telang pamburul at makabalut yang imalan ing lupa na. Nganang Jesus karela, Kalagan ye at paburen yeng lumakad.

Juan 11:44 Iomraidhean Croise

Genesis 1:3

Ngana ning Dios, Mika ating sala at linto ing sala.

Ding Dalit 33:9

Melalang ya ing yatu king metung nang amanu; minutus ya mu at ing sabla pepalto na.

Hosea 13:14

E ku la iligtas deting tau king kutkutan da ring mete ni sagipan king upaya na ning kamatayan. Kamatayan, paratangan mu na la ding kekang salut! Kutkutan ding mete, paten mu na la! Ala na kung lunus kareting tau.

Marcos 5:43

Maigpit nang penabilin Jesus karela ing e ra paniabian iti kenu man at inutus nang dinan deng pamangan ing anak.

Lucas 19:20

Linapit ya ing aliwa pang ipus at ngana, Oyni, ginu, ing kekayung salaping gintu. Binalut ke king panyu at selikut.

Lucas 7:15

Linukluk ya ing mete at saka ya migsalita. Binie neng Jesus kang ima na.

Juan 10:30

Aku at ing Ibpa metung kami mu.

Juan 11:39

Nganang Jesus karela, Ilako ye ing batu. Mekibat ya i Marta, ing kapatad na ning mete, Ginu, mamau ne kanyan uling apat neng aldo makakutkut!

Juan 11:43

Pangasabi na niti, kinulait yang masikan. Ngana, Lazaro, lumual ka!

Juan 19:40

Kinua re ing bangke nang Jesus at kayabe ning pisamut a mira at aksibal binalut de king telang pamburul. Makayagpang iti king kaugalian da ring Judio king pamangutkut.

Juan 20:5

Dinuku ya at kilub ning kutkutan ikit na ing telang pamburul a makabili karin; oneng e ya linub.

Juan 20:7

at ing panyung penakap king buntuk nang Jesus. Iti e makakayabe king telang pamburul, nune makakalilua yang makatuklip king metung a lugal.

Juan 5:21

Nung makananung pasublian na lang mie ning Ibpa ding mete, makanyan munaman biayan na la ning Anak ding buri nang biayan.

Juan 5:25

Ing katutuan sasabian ku kekayu: daratang na ing panaun, at miras na, nung kapilan damdaman da ring mete ing siwala na ning Anak ning Dios. At detang makaramdam mie la.

Filipos 3:21

Alilan na la ding katawan tamung matbud at malalaso. Gawan na lang kalupa na ning katawan na a maslag king ligaya. At iti gawan na king kapamilatan na mu rin nitang upaya a gagamitan na ba na lang sakupan ding sablang bage.

Kapahayagan 1:18

Aku ing Mabie! Mete ku oneng ngeni mabie ku king kapilan pa man. Tatalnan ku ing kayupayan king kamatayan at king kakarinan da ring mete.

1 Samuel 2:6

Ing Ginu ya ing kakua king bie, at babie bie; malyari na katamung paten at malyari na katamung biayan.