Juan 11:41 - Ing Mayap a Balita Biblia

⁴¹ Inya leko re ing batu. Tinalanga ya banua i Jesus at ngana, Ibpa, pasalamat ku king pakiramdaman mu ku.

Juan 11:41 Iomraidhean Croise

Ding Dalit 123:1

Keka yatna ku la dening kakung mata, keka a makalukluk king tronu king banua.

Mateo 11:25

King oras a ita nganang migsalitang Jesus, Ibpa, Ginu na ning banua at yatu! Pasalamatan da ka uling pepakilala mu karing taung musmus ing e mu pepakilala karing mangabiasa at maisip.

Mateo 11:26

Wa, Ibpa, uling iti ya ing sarili mung tula at kaburian.

Mateo 27:60

Binili ne king sarili nang pantiun a bayu na pa mung pepalukib king batu. Kaybat na nita, peparagus ne ing maragul a batu bilang pekatakap na ning kutkutan at saka ne minuli.

Marcos 15:46

At sinali yang telang linen i Jose para pamalut king bangke. Inyang akuldas na ne ing bangke, binalut ne king tela at binili ne king metung a kutkutan a linukib king batu. Kaybat na nita, pepadugang ne ing maragul a batu king pasbul na ning kutkutan.

Lucas 10:21

King oras mu ring ita kitmuan ya i Jesus king tula uli na ning Banal a Espiritu at sinabi na, Ibpa, Ginu na ning banua at yatu! Pasalamatan da ka uling pepabalu mu la karing e megaral ding bage a selikut mu karing biasa at megaral. Wa, Ibpa, iti depat mu uli na ning tula mu at kaburian.

Lucas 18:13

Oneng makatalakad yang marayu ing talapanyingil buis; e ya man bisang matna banua, nune durugdugan ne ing salu na at sasabian na: O Dios, malunus ka kanaku; metung kung makasalanan!

Lucas 24:2

Disnan deng midugang na ing batung makatakap king pasbul na ning kutkutan.

Juan 11:22

Agyang ngeni balu ku king ibie na keka ning Dios ing nanumang aduan mu.

Juan 17:1

Inyang asabi na la deting amanu tinalanga ya banua i Jesus at ngana, Ibpa, dinatang na ing oras; paligayan me ing Anak mu ban apaligayan na ka ning Anak.

Juan 20:1

King abak a maranun na ning mumunang aldo ning paruminggu, maralumdum pa, minta ya king kutkutan i Maria Magdalena. Ikit na king makalako ya ing batung takap ning kutkutan.

Ding Dapat 7:55

Oneng i Esteban a kitmuan king Banal a Espiritu, tinalanga ya banua at ikit na ing ligaya na ning Dios, at i Jesus a atyu banda nang wanan.

Filipos 4:6

E kayu paibalisa lub, nune king sabla yung pamanalangin aduan yu king Dios ing kekayung kailangan, at king pamaniawad yu e yu kakalinguan pasalamat keya.