Juan 11:32 - Ing Mayap a Balita Biblia

³² Miras ya king lugal nung nu ya karin i Jesus. Panakit na kang Jesus siniklaud ya i Maria king arap na at ngana, Ginu, nung atyu ka keti e sana mete ing kapatad ku!

Juan 11:32 Iomraidhean Croise

Lucas 17:16

Migsakab ya arap nang Jesus at pepasalamat ya keya. Samaritano ya ing taung iti.

Lucas 5:8

Inyang ikit nang Simon Pedro iting mepalyari, siniklaud ya arap nang Jesus at ngana, Dumayu ka kanaku, Ginu, uling tau kung palpikasala!

Lucas 8:41

Kanita ya dinatang i Jairo, ing metung a opisyal ning sinagoga karin. Migsakab ya arap nang Jesus at inawad na king tukian ne sana king bale na,

Juan 11:2

I Maria ya ing mitugtug pabanglu at menamulis karing bitis na ning Ginu king kapamilatan na ning buak na. Kapatad ne i Lazaro, ing masakit.)

Juan 11:21

Nganang Marta kang Jesus, Ginu, nung atyu ka keti e ya sana mete ing kapatad ku!

Juan 11:37

Oneng ngara ding mapilan, Pepasala ne mata ing bulag! Baket pepaburen neng mete i Lazaro?

Juan 4:49

Ngana ning opisyal, Tara na, ginu, pota e tane dasnan mabie ing anak ku.

Kapahayagan 22:8

Aku, i Juan, ing mekaramdam at menakit kareting bage. Kaybat kung dimdam at ikit ing sabla, migsakab ku ba kung samba king arap ning anghel a pepakit kanaku kareting bage.

Kapahayagan 5:14

Ngarang mekibat ding apat a mabie lelangan, Amen! At migsakab la ding makatua at simban de.

Kapahayagan 5:8

Inyang ikua na ne ing libru, migsakab la arap na ding apat a mabie lelangan at ding aduang pulu't apat a makatua. Ing balang metung karela atin yang alpa at silyo gintu a mitmung insenso, ing panalangin da ring taung pinili na ning Dios.