Juan 11:26 - Ing Mayap a Balita Biblia

²⁶ at ing ninumang mabibie at maniwala kanaku e mate kapilan man. Paniwalan mu ite?

Juan 11:26 Iomraidhean Croise

Mateo 26:53

E mu wari balu king malyari kung maniawad saup kang Ibpa ku at ngeni mu rin malyari na kung paralan maygit labing aduang batalyun a anghel?

Mateo 9:28

Inyang mekasalangi ne king bale, linapit la kang Jesus ding aduang bulag. Kitnan na lang Jesus, Paniwalan yu king malyari kung arapat kekayu ing aduan yo? Opu, ginu! ngarang mekibat.

Marcos 9:23

Wa, nganang Jesus, nung atin kang akarapat! Ing sabla mapalyari king taung ating kasalpantayanan.

Juan 10:28

Dirinan ku lang bie alang angga at e la mipahamak kapilan man. Alang makasamsam kareti kanaku.

Juan 14:10

E ka wari maniwala king atyu ku king Ibpa at ing Ibpa atyu kanaku? E la manibat kanaku ding amanung sasabian ku kekayu. Gagawan na ning Ibpang atyu kanaku ing obra na.

Juan 4:14

oneng e ne kumau kapilan man ing ninumang minum king danum a ibie ku. Uling ing danum a ibie ku keya maging sibul ya kilub na at ibie ne ing bie alang angga.

Juan 5:24

Ing katutuan sasabian ku kekayu: ing makiramdam king amanu ku at maniwala king mitubud kanaku atin yang bie alang angga. E ya mayatul, nune ibat king kamatayan linipat ne king bie.

Juan 6:47

Ing katutuan sasabian ku kekayu: atin yang bie alang angga ing maniwala.

Juan 9:35

Abalitan nang Jesus king tiwalag de; inya inyang ikit ne sinabi na keya, Maniwala ka wari king Anak ning Tau?

Roma 8:13

Uling mate kayu nung mibiebie kayu ketang agkat na ning katutubung pangatau; nung king agkat na ning Espiritu papaten yu ing e mayap nang pamitan ning katawan, mie kayu.