Juan 11:25 - Ing Mayap a Balita Biblia

²⁵ Nganang Jesus, Aku ing pamanyubling mebie at ing bie. Ing maniwala kanaku, agyang mate ya, mie yang pasibayu;

Juan 11:25 Iomraidhean Croise

Ding Dalit 36:9

Atyu keka ing sibul ning bie; ing aslag mung tagle ya ing keke matnube.

Isaias 26:19

Detang kabalen ming mete subli lang mie! Ding katawan da pasibayu lang mika bie! Ding sablang matudtud king karelang kutkutan pasibayu lang migising, at magkanta lang matula. Nung makananu neng gagawan sagiwa ning ambun ing yatu, makanyan na lang biayan ning Ginu detang maluat nang mete.

Isaias 38:16

Ginu, mie ku para keka at bukud mung keka; uluan mu ku at paintulut mung mie ku.

Lucas 23:43

Nganang Jesus keya, Ing katutuan sasabian ku keka: ngeni mu rin akayabe da ka king Paraiso.

Juan 1:4

Atyu keya ing bie at iting bie ya ing migdalang sala karing tau.

Juan 14:19

Saguli na mu at e na na ku akit ning yatu, oneng akit yu ku; uling mabie ku, ikayu man mie kayu.

Juan 14:6

Pekibat nang Jesus, Aku ing dalan, ing katutuan, at ing bie. Alang malyaring miras king Ibpa nung e mu king kapamilatan ku.

Juan 3:16

Uli na ning maragul nang lugud ning Dios king yatu binie ne ing bugtung nang Anak ban ing ninumang maniwala keya e ya mate nune mirinan yang bie alang angga.

Juan 3:36

Atin yang bie alang angga ing maniwala king Anak; oneng e ya mirinan bie ing e mamintu king Anak, nune manatili keya ing milalablab nang mua ning Dios.

Juan 5:21

Nung makananung pasublian na lang mie ning Ibpa ding mete, makanyan munaman biayan na la ning Anak ding buri nang biayan.

Juan 5:26

Atin yang upayang munie bie ing Ibpa at dininan neng upayang munie bie ing Anak.

Juan 6:35

Nganang Jesus karela, Aku ing tinape ning bie. E ya dumanup kapilan man ing lumapit kanaku at e ya kumaung danum kapilan man ing maniwala kanaku.

Juan 6:44

Alang makalapit kanaku subali mu nung ilapit ne ning Ibpang mitubud kanaku at pasublian keng mie king tauling aldo.

Ding Dapat 3:15

at pepapate ye ing panibatan na ning bie. Makanyan man, pepasublian neng mie ning Dios, at tungkul kaniti ikami ding babie patutu.

Roma 4:17

antimo ing sasabian na ning kasulatan, Pepalyarian da kang tata ra ding dakal a bansa. Wa, tata ta ya ngan i Abraham king arapan na ning Dios nung kenu na binili ing kasalpantayanan na, ing Dios a pasubling mie karing mete at mumutus king pangalto da ring bage a e sadiang makalto.

Roma 8:2

Ing kautusan ning Espiritu a babie king bie a makayabe kang Cristo Jesus, leko na ku king kautusan ning kasalanan at kamatayan.

1 Corinto 15:18

Mangabaldugan munaman king ding meniwala kang Cristo at mete na e la miligtas.

1 Corinto 15:29

Ngeni, nanu ing maging kabilian da retang pabinyag para karing mete? Nanu ing karelang panayan? Nung tutu pin king ding mete e la subling mie, obat pepabinyag la pa alang-alang karing mete?

2 Corinto 4:14

Balu tamu king ing Dios a pepasubling mie king Ginung Jesus, ya naman ing pasubling mie kekatamung kayabe na at midala kekatamung sabla king arapan na.

Filipos 1:23

Makasipit ku karing aduang bage: tune kung buring lakuan ing bie'ng iti ban makapakiabe na ku kang Cristo at iti alang kasimpara kayapan;

Filipos 3:10

Ing bukud mung buri ku ya pin ing akilala ke i Cristo at panamdaman ku itang upaya na ning pangasubli nang mebie, at ing miyabe ku king kasakitan na ban milupa ku keya king kamatayan na,

1 Tesalonica 4:14

Maniwala tamu king mete ya i Jesus at sinubling mebie. Inya maniwala tamu king pasublian na la namang mie ning Dios ding sablang mete a manalig kang Jesus ban iyabe na la keya.

Kapahayagan 1:18

Aku ing Mabie! Mete ku oneng ngeni mabie ku king kapilan pa man. Tatalnan ku ing kayupayan king kamatayan at king kakarinan da ring mete.

Kapahayagan 20:5

Iti ya ing mumunang pamipasubling mebie karing mete. (E la subling mie ding mitagan anggang e la mapupus ding libung banua.)

Kapahayagan 21:4

Pulisan na ing lua karing mata ra. Mawala na ing kamatayan, ing kalungkutan, ing tangis, at ing kaplas, uling linipas na la ding bage matua.

Kapahayagan 22:1

Kanita pepakit nia naman kanaku ning anghel ing ilug a babie bie. Malino anting kristal ing danum na uling manibatan king tronu na ning Dios at ning Kordero.

Kapahayagan 22:17

Ngana ning Espiritu at ning Babaing kakasal, Mekeni! Ding sablang makaramdam kaniti kailangan ing sabian da naman, Mekeni! Ing ninumang kakau, lumapit ya; paburen yeng kuma ing bisa king danum a babie bie. Iti alang bayad.