Juan 11:24 - Ing Mayap a Balita Biblia

²⁴ Mekibat ya i Marta, Balu ku king mie yang pasibayu king tauling aldo.

Juan 11:24 Iomraidhean Croise

Ding Dalit 17:15

Lupa mu kaku yang tangalan, uling darapat kung katuliran, at kagising ku neng abak tula kumatmu ku uling 'tyu ku arapan mu.

Isaias 25:8

Ilako na neng lubus ning Ginung Dios ing kamatayan! Pulisan na ing lua na ning balang metung, at ilako na ing kamarinayan a daralanan na ning balen na king mabilug a yatu. Ing migsalita kaniti ya ing Ginu.

Isaias 26:19

Detang kabalen ming mete subli lang mie! Ding katawan da pasibayu lang mika bie! Ding sablang matudtud king karelang kutkutan pasibayu lang migising, at magkanta lang matula. Nung makananu neng gagawan sagiwa ning ambun ing yatu, makanyan na lang biayan ning Ginu detang maluat nang mete.

Hosea 13:14

E ku la iligtas deting tau king kutkutan da ring mete ni sagipan king upaya na ning kamatayan. Kamatayan, paratangan mu na la ding kekang salut! Kutkutan ding mete, paten mu na la! Ala na kung lunus kareting tau.

Hosea 6:2

Biayan na katamu kaybat ding adua o atlung aldo at mibiebie tamu arapan na.

Lucas 14:14

Mibendisyunan ka uling ila e ra ka ayablasan. Ablasan na ka ning Dios keng subli lang mie ding banal.

Juan 11:23

Nganang Jesus kang Marta, Mie yang pasibayu ing kapatad mu.

Juan 6:39

Iti ya ing kaburian na nitang mitubud kanaku: king e ku kabatingan agyang metung mu karing sablang binie na kanaku, nune pasublian ku la ngan mie king tauling aldo.

Juan 6:40

Uling iti ya ing kaburian nang Ibpa ku: ing balang metung a manakit king Anak at maniwala keya mika bie yang alang angga at pasublian keng mie king tauling aldo.

Ding Dapat 24:15

Nung nanu ing panenayan da ring mismung taung deti king Dios, ya naman ing panenayan ku: king ding sablang tau, maging ding mayap, maging ding marawak, mipasublian la ngang mie.

Hebreo 11:35

King kapamilatan na ning kasalpantayanan da king Dios, tinggap da lang pasibayu ding babai ding karelang mete kaybat dang mipasublian mie. Tinggian da ring aliwa ing ibulus da la, inya mete la king katampalasanan a tinggap da ban kanita mipasublian lang mie king lalung mayap a pamibiebie.