Juan 11:21 - Ing Mayap a Balita Biblia

²¹ Nganang Marta kang Jesus, Ginu, nung atyu ka keti e ya sana mete ing kapatad ku!

Juan 11:21 Iomraidhean Croise

1 Ari 17:18

Ngana ning ima kang Elias, Talasuyu ning Dios, obat depatan mu iti kanaku? Dinatang ka wari keti ban ipaganaka mu la kanaku ding kasalanan ku king Ginu at paten ing anak ko?

Ding Dalit 78:19

Angga king ing Dios lepastangan de pa. Ngara, Agyu na kata waring pakanan keting ilang; keti king disyerto, nanung malyari nang ayampang?

Ding Dalit 78:41

Ing Dios ulit-ulit deng paniubukan, at ing Banal ning Israel karela yang pepalungkutan.

Mateo 9:18

Samantalang sasabian nang Jesus iti, linapit ya ing metung a pamuntuk da ring Judio. Siniklaud ya king arapan nang Jesus at ngana, Kamate-mate na pa mu ning anak kung babai; oneng tukian mu ku at itumpak ing gamat mu king anak ku at mie ya.

Juan 11:2

I Maria ya ing mitugtug pabanglu at menamulis karing bitis na ning Ginu king kapamilatan na ning buak na. Kapatad ne i Lazaro, ing masakit.)

Juan 11:3

Inya pepabalita da ring mikapatad a babai kang Jesus ing anti kaniti: Ginu, masakit ya ing kakaluguran mu.

Juan 11:32

Miras ya king lugal nung nu ya karin i Jesus. Panakit na kang Jesus siniklaud ya i Maria king arap na at ngana, Ginu, nung atyu ka keti e sana mete ing kapatad ku!

Juan 11:37

Oneng ngara ding mapilan, Pepasala ne mata ing bulag! Baket pepaburen neng mete i Lazaro?