Juan 11:19 - Ing Mayap a Balita Biblia

¹⁹ At dakal lang Judio ding dinalo kari Marta at Maria ba da lang damayan uli na ning pangamate na ning kapatad da.

Juan 11:19 Iomraidhean Croise

Genesis 37:35

Penikuanan deng pamatulan ding anak na, oneng ala mu ring milyari. E yu ku pamatulan, ngana, dalan ku nang mate ing kalungkutan ku. Makanyan neng tengisan ing anak nang i Jose.

2 Samuel 10:2

Nganang David, Makipagkaluguran kung tapatan kang Hanun antimo nung makananu yang mekipagkaluguran i tata nang i Nahas kanaku. Inya mitubud yang pekakatawan na ban makirame king kamatayan nang tata nang Hanun. Inyang miras la ding tubud king sakup ning Ammon,

1 Cronica 10:12

meko la ding matapang dili karing lalaki ban kuanan de ing katawan nang Saul at ding anak na. Dela da la king Jabes. Kitkut da la karin king lalam ning tanaman a ensina at mig-ayunu la kilub ding pitung aldo.

Job 2:11

Inyang abalitan da ring atlu nang kakaluguran ing heganaganang kapahamakan a miras kang Job, pikayari da ing dalawan de ban makirame at pasiknangan a lub. Deting atlu ila ri Elipas ning siudad ning Teman, Bildad ning sakup ning Suah, at i Zofar ning sakup ning Naama.

Job 42:11

Dinalo de ring kapatad nang lalaki at babai at ding sadia nang kakaluguran, at migpiesta lang kayabe na king pibalebale na. Pisiag da ing pamakirame ra kang Job at inaru de karing kasakitan a pepagpa na ning Ginu. Minie yang ditak a salapi at gintung singsing ing balang metung karela.

Ecclesiastes 7:2

Mas mayap ing munta king bale a ating mete kesa king bale da ring taung magpiesta, uling ing kamatayan datang karing sablang tau; iti sukat itanam king pusu tamu.

Isaias 51:19

Dobli ing kasakitan a digpa keka; ing bansa mu lesak ne ning gera, at ding memalen mu meranup la. Ala metung mang papakit lunus keka.

Ding Tagulele 1:16

Iti yang sangkan nung inya tutulu ing lua ku. Ala metung mang makirame kaku alang makaibie sikanan lub kaku. Simbut na ku ning kalaban; ding kakung memalen ala nang mitagan.

Ding Tagulele 1:2

Kabukas manangis ya; lua na mamagus karing pisngi na. Karing sablang meging kakaluguran na, alang mitagan ba reng pamatulan. Pigtaksilan de ring kakampi na, at kalaban de ngeni.

Ding Tagulele 1:21

Pakiramdaman mu sa ing kakung dalung; metung man alang mamatula kaku. Kalaban ku matula la, uling ing kasakitan kaku mu pepagpa. Parala mu neng aldo pengaku mu, padalanan mu la naman ding kalaban ku king kasakitan a kakung pagdusan.

Ding Tagulele 1:9

Ing dinat na masala nang mayayakit, oneng ing keyang kabilian e na dininan pansin. Makapangilabut ing pangasaldak na; ala metung mang mekirame keting bansa. Simbut de ring kalaban na; ngeni maniawad yang lunus king Ginu na.

Ding Tagulele 2:13

O Jerusalem, Jerusalem a pakamalan, nanu ing kakung sukat sabian? Makananu da kang saupan? Ala pang mirasnan king makanyan a kabilian. Ing kekang kasiran anti ing dagat a malapad; ala nang asilip pang kapanayan.

Lucas 10:39

Atin yang kapatad a milagyuan Maria. Linukluk ya iti king arap na ning Ginu at mekiramdam ya king tuturu na.

Lucas 10:42

oneng metung mu ing tune kailangan. Tinud yang memili i Maria at iti e milako keya.

Juan 1:19

Iti ing patutu nang Juan kanitang mitubud lang pari at Levita ding Judio ning Jerusalem ban ikutang da keya: Ninu ika?

Juan 11:1

Ating metung a taung masakit; Lazaro ing lagyu na. Tau ya Betania, ing balen nang Maria at ning kapatad nang i Marta. (

Juan 11:31

Inyang ikit deng memalaguang tinikdo at linual, tikian de i Maria ding Judiong darame keya king bale. Bala ra munta ya king kutkutan ban manangis karin.

Juan 11:33

Panakit nang Jesus king i Maria manangis ya at pati ding Judiong kayabe na, mengisnawa yang malalam at metagkil ya kapanamdaman.

Juan 11:36

Inya sinabi da ring Judio, Talagang kaluguran ne i Lazaro!

Juan 11:45

Uli na niti, meniwala la kang Jesus ding keraklan karing Judiong dinalo kang Maria at menakit king depat na.

Juan 11:8

Ngara ding alagad, Maestro, bayu pamu buri da kang basibasan ding Judio; ngeni magbalik na ka na naman karin?

Roma 12:15

Makiabe kayu king tula da ring matula, makirame kayu king lungkut da ring malungkut.

2 Corinto 1:4

Pamatulan na katamu king sabla tamung kalungkutan ban king kapamilatan na ning tulang tinggap tamu keya, itamu naman asaupan ta la ding atyu king nanu pa mang kalungkutan.

1 Tesalonica 4:18

Inya mipapamatula kayu king metung at metung kapamilatan da reting amanu.

1 Tesalonica 5:11

Uli na niti, mipapamatula kayu at misaup-saup antimo ing daraptan yu na ngeni.

1 Samuel 31:13

Kaybat kinua ra la ding butul at kitkut da la lalam ning tanaman a tamarisko karin king Jabes, at saka la mig-ayunu kilub ding pitung aldo.