Juan 11:15 - Ing Mayap a Balita Biblia

¹⁵ Oneng king uli yu matula ku king ala ku karin ban maniwala kayu. Tara, puntalan ta ya.

Juan 11:15 Iomraidhean Croise

Genesis 26:24

Pepakit ya kang Isaac ing Ginu ketang benging ita. Ngana, Aku ing Dios nang Abraham a tata mu; e ka mitatakutan; kayabe mu ku. Bendisyunan da ka at kaku lang parakalan ding lahi mu uli nang Abraham a kakung talasuyu.

Genesis 39:5

Manibat naman kanita binendisyunan ne ning Ginu ing pibalebale nang Potifar uli nang Jose. Peparagulan na ning Ginu ing heganaganang pibandian nang Potifar kilub at lual ning bale na.

Ding Dalit 105:14

E na la pepaburen mayalipit kaninu man, alang-alang karela ding ari belan na la.

Isaias 54:15

Nung lumusub ya keka ing ninuman, iti daptan na king e ku kaburian. Masambut ya ing ninumang keka lumaban!

Isaias 65:8

Ngana ning Ginu, Ala metung man a manyira karing mayap a ubas, nune gagawan da lang alak. Makanyan munaman, e ku la gisanan a lahi ding sablang taung pinili ku; iligtas ku la detang susuyu kanaku.

Juan 11:14

Inya malino nang sinabing Jesus karela, Mete ne i Lazaro.

Juan 11:16

I Tomas a mayayaus Kambal, sinabi na karing kalupa nang alagad, Tara, tukian ta ya ing Maestro ban nung mate ya, mate tamu munaman!

Juan 11:4

Inyang tinggap nang Jesus iting balita, sinabi na, E na ikamate iting sakit; nune milyari iti para king ikaligaya na ning Dios ban mipaligayan ya ing Anak ning Dios king kapamilatan na niti.

Juan 12:30

Mekibat ya i Jesus, Meramdam ya ing siwalang iti e king uli ku, nune king uli yu.

Juan 17:19

At king uli ra babie ku keka ing kanakung sarili ban ila man maging keka la kapamilatan na ning katutuan.

Juan 2:11

Iti milyari karin Cana, Galilea; iti ya ing mumunang milagru a depat nang Jesus. Karin na pepakit ing kayupayan na at iti meging dalan ne ning pamaniwala ra keya ding alagad na.

2 Corinto 4:15

Para king ikakayap yu iting sablang bage ban ngening dakal la ding tatanggap king grasya na ning Dios, lalu na la mang dakal ding pasalamat at paligaya keya.

2 Timoteo 2:10

Inya pibabatan ku ing sablang bage alang-alang karing pinili na ning Dios ban ila man tanggapan da ing kaligtasan a manibat kang Cristo Jesus a babie ligayang alang kapupusan.

1 Juan 5:13

Susulat ku iti ban ikayung maniwala king lagyu na ning Anak ning Dios abalu yu king atin kayung bie alang angga.