Juan 10:9 - Ing Mayap a Balita Biblia

⁹ Aku ing pasbul. Miligtas ya ing ninumang lungub king kapamilatan ku. Malaya yang lungub at lual at makatagpu yang pastulan.

Juan 10:9 Iomraidhean Croise

Ding Dalit 95:7

Ya ing kekatamung Dios; itamu ding memalen a pagmalasakitan na, anti tamung tupang ingatan na. Pakiramdam yu ngeni ing sasabian na.

Isaias 40:11

Anti ing pastul ingatan neng kawan na; ding malating tupa tipunan na la, karing takde na kilikan na la; ding gaindu ra tairan na la king mitmung kaingatan.

Ezekiel 36:38

Mangatmu lang tau ding siudad a ngeni makapatag king gabun antimo ing Jerusalem a kanitang misan a panaun mitmu ya karing tupa a miyabie bilang ain-sakripisyu king kapiestan. Akilala ra kanita king aku ing Ginu.

Zacarias 10:12

Gawan ku lang masikan ding kakung memalen; samban da ku at aku ing karelang pamintuan. Ing Ginu ya ing magsalita.

Juan 10:1

Ing katutuan sasabian ku kekayu: ing lulub king kural da ring tupa a e daralan king pasbul nune king aliwang paralan, ing taung ita mapanako ya at tulisan.

Juan 10:3

Ya ing bubuklatanan na ning bante pasbul. Pakiramdaman da ring tupa ing siwala na kabang ausan na la king lagyu ra at panimunan na la king paglual da.

Juan 10:7

Inya pasibayu nang sinabing Jesus karela, Ing katutuan sasabian ku kekayu: Aku ing pasbul na ning kural da ring tupa.

Juan 14:6

Pekibat nang Jesus, Aku ing dalan, ing katutuan, at ing bie. Alang malyaring miras king Ibpa nung e mu king kapamilatan ku.

Efeso 2:18

Uli nang Cristo, parehu tamung mekalapit king Ibpa king kapamilatan na ning metung a Espiritu.