Juan 10:8 - Ing Mayap a Balita Biblia

⁸ Mapanako la at tulisan ding sablang dinatang makauna kanaku, oneng ding tupa e da la pekiramdaman.

Juan 10:8 Iomraidhean Croise

Jeremias 23:1

Makalunus ing mangapalyari potang dugpa na ing kayatulan na ning Ginu karetang pamuntuk a makamate at maniambulat karing taung pinili na!

Ezekiel 34:2

Ngana, Anak ning tau, magsalita kang laban karing pamuntuk na ning Israel. Sabian mu ing ula karela at king aku, ing Ginung Dios, pasabi ku karela king miyatulan na la bilang pastul ning Israel! Lilingapan yu ing sarili yu, oneng e yu la kapilan man lingapan ding tupa.

Zepania 3:3

Mengari lang danupan a leon ding pamuntuk na, at mengari la karing asu a danupan ding hues na; tutu lang matako inya e ra buring mikabukasan pati butul.

Zacarias 11:16

Tinuldu kung metung a pastul a manibala king kanakung kawan, oneng e na la pagmalasakitan detang atyu king panganib ni panintunan detang mababating; e na la uluan detang mesugat ni pakanan detang mitagan. Bagkus ing daraptan na ya ing kakanan ne ing matabang dili karing tupa at tutuklapan na la ding kuku da.

Juan 10:1

Ing katutuan sasabian ku kekayu: ing lulub king kural da ring tupa a e daralan king pasbul nune king aliwang paralan, ing taung ita mapanako ya at tulisan.

Juan 10:27

Makiramdam la king siwala ku ding kanakung tupa at akikilala ku la at tutuki la kanaku.

Juan 10:5

Oneng e re tukian ing aliwang tau, nune takasan de uling e re balu siwala ing aliwang tau.

Ding Dapat 5:36

E pa makaing malambat ing milabas a panaun kanitang linto ya i Teudas a pepakilalang metung yang matenakan; ating mekad apat a ralan a tau karing mekiabe keya. Oneng pete re at misambulat la ding talatuki na at limbug ya ing kilusan a tinatag na.