Juan 10:6 - Ing Mayap a Balita Biblia

⁶ Sinabi neng Jesus iting talimhaga karela, oneng e ra aintindian ing buri nang sabian.

Juan 10:6 Iomraidhean Croise

Ding Dalit 106:7

Kanitang atyu la king Ehipto ding kekeng makatua e da la aintindian ding makapagmulala mung depatan; karelang kelinguan ing lugud mung alang angga, at karin king Dagat da ring Timbu, keka O dios a Kakataskatasan, mig-rebeldi la.

Ding Dalit 82:5

Kamangmangan yo! Ala kayung balu! King karalumduman karin kayu manuknangan, at ing hustisia keti king yatu mewala na.

Ding Kasebian 28:5

E ra aintindian ding taung e mayap ing hustisia, oneng aintindian deng lubusan detang king Ginu sasamba.

Isaias 56:11

Mengari la karing asung matako a alang pikabsian. Ala lang aintindian deting manimuna. Daraptan na ning balang metung at metung karela itang buri nang daptan at ala lang sisikasuan nune mu ing sarili dang kapakanan.

Daniel 12:10

Dakal la ding taung maging puru. E la makaintindi detang e mayap, nune isundu ra ing e mayap dang gagawan. Deta mung biasa ilang bukud makaintindi.

Mateo 13:34

Sinabi nang Jesus iting sabla karing tau king kapamilatan da ring talimhaga. King kamatutuanan e ya bitasang migsalita karela nune mu king kapamilatan da ring talimhaga.

Mateo 13:51

Nganang kinutang Jesus karela, Aintindian yu ing heganaganang yan? Ngarang mekibat, Aintindian mi na.

Marcos 4:34

E ya menaral karela a e mo sa ginamit talimhaga; oneng neng ala neng kayabe nune mu ding alagad na mamalinawan na karela ing kabaldugan da ring talimhaga.

Juan 16:25

Sinabi ku la kekayu deting bage king kapamilatan da ring talimhaga. Oneng datang ing panaun a e na ku magsalita kekayu king kapamilatan da ring talimhaga, nune magsalita kung malino kekayu tungkul king Ibpa.

Juan 16:29

Ngara ding alagad na, Ngeni magsalita na kang malino at e na ka gagamit talimhaga!

Juan 6:52

Uli na niti, mapali lang mibadbaran ding Judio. Ngarang mipapangutang, Makananu nang aibie kekatamu ning taung iti ing laman na ba tamung apangan?

Juan 6:60

Ngara ding dakal karing alagad na inyang dimdam da iti, Masakit ing sasabian na. Ninu ing makatanggap kanyan?

Juan 7:36

Nanu ing buri nang sabian king pamagsalita nang Panintunan yu ku, oneng e yu ku akit, at Nung nu ku munta e kayu makapunta?

Juan 8:27

E ra aintindian king magsalita ya karela tungkul king Ibpa.

Juan 8:43

Baket e yu aintindian ing sasabian ku? Uling e yu atanggap ing sasabian ku.

1 Corinto 2:14

Oneng ing e na panuknanganan ning Espiritu e na la malyaring atanggap ding regalu na ning Espiritu ning Dios. E na la siguradung aintindian; ala lang kabaldugan para keya uling ing ulaga ra malyari mung mayakit dapat king espiritu.

2 Pedro 2:22

Ing mepalyari karela patutuan ne itang kasebian, Katutubu na ning asu ing balikan na ing suka na. Ing babi, agyang diluan me, magbalik ya mu rin king burak.

1 Juan 5:20

At balu tamu king dinatang ya keti king yatu ing Anak ning Dios at dininan na katamung pamanalastas ban akilala ta ya ing Dios a tutu, at king itamu atyu tamu king Dios a tutukayabe nang Jesu-Cristo a Anak na. Ya ing Dios a tutu at ya ing bie alang angga.