Juan 10:5 - Ing Mayap a Balita Biblia

⁵ Oneng e re tukian ing aliwang tau, nune takasan de uling e re balu siwala ing aliwang tau.

Juan 10:5 Iomraidhean Croise

1 Ari 22:7

Oneng nganang mengutang Jeosafat, Ala na waring aliwang propeta a malyari tamung akutnan tungkul king Ginu?

Ding Kasebian 19:27

Anak ku, nung tuknang kang makiramdam king mayap a turu keka nang pepaburen ing kabiasnan.

Marcos 4:24

At tiglung na pa, Paki-intindian yung masalese ing kekayung daramdaman! Ing paniukad a ginamit yu, ya naman ing paniukad na kekayu ning Dios at maygit pa.

Lucas 8:18

Uli na niti, mingat kayu king kekayung pamakiramdam; uling itang atin na miragdagan pa itang atyu na keya, at itang ala nanuman, milako pa itang ditak a isipan nang atyu na keya.

Juan 10:16

Atin kung aliwang tupa a ala pa keting kural. Kailangan ku la namang panimunan deti; at pakiramdaman da ing siwala ku. Maging metung nia mu ing kawan at metung ing pastul.

Juan 10:4

At nung alual na na la ngan, manimuna ya karela at tukian de ring tupa uling balu re ing siwala na.

2 Timoteo 4:3

Uling datang ing panaun a e ra pakiramdaman ding tau ing mayap a turu; nune, tukian da ing e mayap dang kaburian at mangalap lang talaturu da a magsalita mu karing bage a buri dang daramdaman.

1 Juan 2:19

E ta la tune kayabe deting tau, inya likuan da katamu. Uling nung tune lang kayabe tamu, menatili la sanang kayabe tamu. Oneng meko la, inya malino king ila ngan e la tune kekatamu.

1 Juan 2:21

Sinulat ku kekayu e uli na ning e yu balu ing katutuan. Balu yu iti at balu yu munaman king alang kalaraman a manibatan king katutuan.

Kapahayagan 2:2

Balu ku ing depat mu, ing kapagalan mu at kapibabatan king pamakiarap mung kasakitan. Balu ku king e mu peintulut ing e mayap. Balu ku king sibukan mu la ding sasabing apostol la at apatunayan mu king e la tune apostol.