Juan 10:4 - Ing Mayap a Balita Biblia

⁴ At nung alual na na la ngan, manimuna ya karela at tukian de ring tupa uling balu re ing siwala na.

Juan 10:4 Iomraidhean Croise

Ing Malagung Diling Kanta 2:8

Daramdaman keng mabilis daratang ing kakung pakamalan; biltangan na lang bunduk at ding talimunduk ba na kung pakikitan.

Ing Malagung Diling Kanta 5:2

Matudtud ku, oneng makagising ya ing pusu ku. Kabud-abud ing kakung pakamalan dimdam keng tutuktuk king pasbul. Ngana kaku, Paluban mu ku, O sinta ku, kakung kaluguran at sakdal kung kaligayan! King ambun mebasa ya ing kakung buntuk, at king ulap ing kakung buak.

Mateo 16:24

Kaybat na nita, sinabi nang Jesus karing alagad na, Nung ing ninuman bisa yang tuki kanaku, sukat nang kalinguan ing sarili na, pusanan ne ing krus na at tuki ya kanaku.

Juan 10:16

Atin kung aliwang tupa a ala pa keting kural. Kailangan ku la namang panimunan deti; at pakiramdaman da ing siwala ku. Maging metung nia mu ing kawan at metung ing pastul.

Juan 10:27

Makiramdam la king siwala ku ding kanakung tupa at akikilala ku la at tutuki la kanaku.

Juan 10:3

Ya ing bubuklatanan na ning bante pasbul. Pakiramdaman da ring tupa ing siwala na kabang ausan na la king lagyu ra at panimunan na la king paglual da.

Juan 10:5

Oneng e re tukian ing aliwang tau, nune takasan de uling e re balu siwala ing aliwang tau.

Juan 10:8

Mapanako la at tulisan ding sablang dinatang makauna kanaku, oneng ding tupa e da la pekiramdaman.

Juan 12:26

Ing ninumang bisang sumuyu kanaku kailangan yang tuki kanaku; nung nu ku karin, karin ya naman ing talasuyu ku. Parangalan neng Ibpa ku ing ninumang susuyu kanaku.

Juan 13:15

Dininan da kayung alimbawa ban daptan yu naman ing anti ing depat ku kekayu.

Juan 18:37

Nganang Pilato, Ing buri mung sabian, metung ka ping ari? Mekibat ya i Jesus, Ika ing sasabing ari ku. Iti ya ing sangkan nung inya mibait ku at dinatang keti king yatu ban munie patutu king katutuan. Makiramdam ya kanaku ing ninumang atyu king katutuan.

Juan 3:29

Bandi ne ning lalaking kakasal ing babaing ikakasal na. Manenaya ya ing kakaluguran ning lalaking kakasal at makiramdam king paniatang na at maragul ing tula na kabud damdaman na ing bosis ning lalaking kakasal. Makanyan maging ganap ing tula ku ngeni.

1 Corinto 11:1

Makitulad kayu kanaku, antimo ing pamakitulad ku kang Cristo.

Efeso 5:1

Anti na ning anak na kayung pakamalan ning Dios, tularan ye.

Deuteronomio 1:30

uling patnubayan na kayu ning Ginung Dios at ya ing makilaban para kekayu antimo ing ikit yung depat na karin king Ehipto

Hebreo 12:2

E ta la lalako ding mata tamu kang Jesus uling keya megumpisa at migaganap ing kekatamung kasalpantayanan. E ya pepaisira lub i Jesus uli na ning krus! Nune, uli na ning tulang makapanaya keya pibata na ing kamarinayan a mate ya king krus. At ngeni atyu makalukluk king banda nang wanan ning tronu na ning Dios.

Hebreo 6:20

Linub neng mumuna kekatamu i Jesus karin at para kekatamu. Karin ya meging Pekapun ding Pari kapilan man ketang panga-pari nang Melkisedek.

1 Pedro 2:21

Iti ya ing sangkan nung inya inaus na kayu ning Dios uling i Cristo mismu dinalan yang kasakitan para kekayu, at likuananan na kayung alimbawa ban kanita tuki kayu king bakas nang delanan.

1 Pedro 4:1

Ganakan yu nung nu anti ing kasakitan a delanan nang Cristo keti king yatu. Makanyan munaman, ikayu arian yung mitmung tetagan king lub yu ing mibata. Uling ninuman ing misasakitan a katawan ginulut ne king pamikasala.

1 Pedro 5:3

E kayu paginu karing mibili king lalam yung kalingapan, nune sukat kayung maging pialimbawanan na ning kawan.