Juan 10:33 - Ing Mayap a Balita Biblia

³³ Pakibat da, Babasibasan da ka e uli na ning mayap mung dapat, nune uli na ning pamaglapastangan mu king Dios! Uling magbansag kang Dios kabang metung ka mung tau!

Juan 10:33 Iomraidhean Croise

1 Ari 21:10

Kaybat paluklukan la king mingatba na ring aduang malaram a magsaksi laban kang Nabot: king sinumpa neng Nabot ing Dios at ing ari. Kaybat, ilual ya at basibasan batu angga king mate ya.

Ding Dalit 82:6

Ngaku kekayu, Ikayu dios kayu; anak na kayu ngan ning Kakataskatasan a Ginu,

Levitico 24:14

Ilual ye king kampu ing lalaking ita. Ing balang metung karing mekaramdam king pamanagkas na laban kanaku, ing Ginu, itumpak da la ring gamat da king buntuk niting lalaki ban saksian da ing pamikasala na. Kaybat, paten ne ning mabilug a balen king kapamilatan na ning pamamasibas batu.

Levitico 24:16

Paten ya ing magsalitang e mayap king lagyu ku, ing Ginu, Israelita ya man o ali ya. Basibasan deng batu ring sabla angga king mate ya.

Juan 10:24

at pilupungnan de ring Judio. Ngara kang Jesus, Angga kapilan ing ibili mu kami king pamikekelangan? Nung ika ing Cristo, sabian mung tapatan kekami.

Juan 10:30

Aku at ing Ibpa metung kami mu.

Juan 10:32

Inya sinabi na karela, Pepakitanan da kayung dakal a mayap a dapat ibat king Ibpa, isanu kareti ing sangkan ning pamamasibas yu kanaku?

Juan 19:7

Ngarang mekibat ding Judio, Atin keng kautusan at agpang king kautusan a iti kailangan yang mate uling pakilala na king Anak ne ning Dios.

Juan 5:18

Inya lalu reng pigkapilitan paten ding Judio uling e mu ing lebagan ne ing Aldo ning Sabbath, nune ausan ne pang Ibpa na ing Dios. Nanupata, makipante ya king Dios.

Roma 13:1

Sukat yang mamintu ing metung at metung karing manimuna king balen, uling alang kayupayan a makalto nung e na paintulut ning Dios, at binili na la karin ning Dios ding atyu king katungkulan.

Filipos 2:6

Agyamang atyu keya ing panga-Dios, makanyan man e na pinilit ing makipante ya king Dios.