Juan 10:32 - Ing Mayap a Balita Biblia

³² Inya sinabi na karela, Pepakitanan da kayung dakal a mayap a dapat ibat king Ibpa, isanu kareti ing sangkan ning pamamasibas yu kanaku?

Juan 10:32 Iomraidhean Croise

Ding Dalit 35:12

E mayap ing yablas da king dapat kung mayap; iti tutu kung panamdaman.

Ecclesiastes 4:4

Apansinan ku munaman king pakigisanan na ning tau ing gelingan na king pamagobra, uli na ning karirian ne ing kasiping nang bale. Iti ala munamang kabaldugan; anti kang darakap king angin.

Jeremias 37:18

Kaybat kitang ku king ari, Nanung kasalanan ing depat ku laban keka o karing opisyal o kareting memalen ban mika matulid kang ipasukul mu ku?

Mateo 11:5

manakit la ding bulag, makalakad la ding pile, kakayap la ding leprosuan, makaramdam la ding maklak, susubli lang mie ding mete, at mipanaral ya ing Mayap a Balita karing kalulu.

Juan 10:25

Mekibat ya i Jesus, Sinabi ku na kekayu, oneng e kayu meniwala. Ding dapat a daraptan ku king lagyu nang Ibpa ku ilang patutu tungkul kanaku.

Juan 10:31

Pasibayu lang dinamput batu ding Judio ba reng basibasan.

Juan 10:33

Pakibat da, Babasibasan da ka e uli na ning mayap mung dapat, nune uli na ning pamaglapastangan mu king Dios! Uling magbansag kang Dios kabang metung ka mung tau!

Juan 10:37

Nung e ku la daraptan ding parapat ning Ibpa ku, e kayu sukat maniwala kanaku.

Juan 5:36

Ating pamipatutu tungkul kanaku a maygit king pamipatutu nang Juan: ila pin ding dapat a parapat na ning Ibpa kanaku a kanaku namang daraptan. Ila deti ring patutu kanaku king ing Ibpa ya ing mitubud kanaku.

Ding Dapat 10:38

Balu yu itang tungkul kang Jesus ning Nazaret; nung makananu neng linanian ning Dios king Banal a Espiritu at king upaya. Uling ing Dios atyu keya minta ya karing sablang lugal darapat mayap at pakayap karing sablang inalipnan na ning diablo.

Ding Dapat 2:22

Pakiramdaman yu iting sasabian ku, memalen ning Israel! I Jesus ning Nazaret ya ing taung tinubud na ning Dios. At ing pangatuburan na king Dios mipakilalang masala kekayu king kapamilatan da ring milagru, ding makapagmulalang bage, at ding tanda a depat na ning Dios king kapamilatan na. Ikayu mismu balu yu iti uling keti mismu libutad yu karin mepalyari.

1 Juan 3:12

E ta ya sukat pakiapusan i Cain uling tinuki ya king Marawak at pete ne ing kapatad nang i Abel. Obat pete ne? Uling e ya mayap a dapat i Cain; oneng mayap ing dapat ning kapatad na.