Juan 10:3 - Ing Mayap a Balita Biblia

³ Ya ing bubuklatanan na ning bante pasbul. Pakiramdaman da ring tupa ing siwala na kabang ausan na la king lagyu ra at panimunan na la king paglual da.

Juan 10:3 Iomraidhean Croise

Ding Dalit 80:1

Pakiramdaman mu kami, O Pastul ning Israel, pakiramdaman mu kami, ikang pamuntuk ning kekang kawan. Ika a makalukluk king tronu babo da ring kerubin.

Exodo 33:17

Ngana ning Ginu kang Moises, Daptan ku itang nung nanu ing inawad mu uling tune ra kang balu at tutula ku keka.

Ding Kasebian 27:23

Ding sese mung tupa at baka pakaingatan mu la

Ing Malagung Diling Kanta 8:13

O sinta kung atyu king kakung mulahan, magsalita ka sana ban ding kakung kakaluguran siwala mu karelang damdaman.

Isaias 40:11

Anti ing pastul ingatan neng kawan na; ding malating tupa tipunan na la, karing takde na kilikan na la; ding gaindu ra tairan na la king mitmung kaingatan.

Isaias 42:16

Ding bulag kung memalen kaku lang tairan karing dalan a e ra pa bitasang delanan. Alilan kung sala ing karelang karalumduman, at ding lugal a e patag kaku lang patagan. Deting bage siguradu ku na lang daptan.

Juan 10:14

Aku ing mayap a pastul. Balu ku la ding kanaku at balu da ku ding kanaku,

Juan 10:16

Atin kung aliwang tupa a ala pa keting kural. Kailangan ku la namang panimunan deti; at pakiramdaman da ing siwala ku. Maging metung nia mu ing kawan at metung ing pastul.

Juan 10:4

At nung alual na na la ngan, manimuna ya karela at tukian de ring tupa uling balu re ing siwala na.

Juan 10:9

Aku ing pasbul. Miligtas ya ing ninumang lungub king kapamilatan ku. Malaya yang lungub at lual at makatagpu yang pastulan.

Juan 6:37

Lumapit la kanaku ding sablang babie na ning Ibpa kanaku at e ke tanggian ing ninumang lumapit kanaku,

Juan 6:45

Makasulat karing libru da ring propeta, At ding sabla turuanan na la ning Dios. Lalapit la kanaku ding sablang mekaramdam at mebiasa king turu na ning Ibpa.

Roma 8:30

Inaus na la ning Dios detang telaga na para kaniti, at pepatawaran na la at dekayanan king kaligayan na.

1 Corinto 16:9

Ating dakal a oportunidad keni ban makapagobra kung masalese agyamang dakal la ding kalaban.

Filipos 4:3

At ika man, tapat kung kayabe, ipakisabi kung mayap ing saupan mu la sana deting aduang babai, uling migpakasakit la namang kayabe ku deting adua king pamikalat king Mayap a Balita at di Clemente, at ding aliwa pang kayabe kung megobra a ngeni makasulat a lagyu king libru ning bie.

Colosas 4:3

E yu kami naman sa kakalinguan ipanalangin ban dinan na ke pang mayap a oportunidad ning Dios a makapanaral king amanu na at makapagsalita king lihim nang Cristo. Uling iti ya kabud ing meging sangkan na ning pangasukul ku ngeni.

2 Timoteo 2:19

Oneng ing matibe pundasyun a telakad na ning Dios e ya malyaring magalo at mitatakan yang anti kanini: Balu na la ning Dios ding bandi na at Ing balang mamaus king lagyu na ning Ginu kailangan yang gumulut king pamaniapat e mayap.

1 Pedro 1:12

Pepabalu na ning Dios kareting propeta king ing karelang obra e para king sarili dang kapakanan nune para kekayu. Pepakilala na iti inyang migsalita la tungkul karing katutuan a ngeni kekayu nang dimdam karing talapanaral na ning Mayap a Balita. Menaral la kekayu kapamilatan na ning Banal a Espiritung miyabie karela ibat banua. Ila naman ding sinabi kekayu karing mesabing katutuan, ding katutuan a mismung ding anghel buri dang apaki-intindian.

1 Juan 4:6

Oneng itamu king Dios tamu. Ing ninumang kikilala king Dios makiramdam ya kekatamu; oneng ing ninumang e king Dios, e ya makiramdam kekatamu. Makanyan tamung akilala ing pamiyaliwa na ning Espiritu ning katutuan ila ning espiritu na ning kamalian.

3 Juan 1:14

Asahan kung mikit kata king lalung malaguang panaun at kanita ta na mipagsalita.

Kapahayagan 20:15

Miyugse ya king dagat-dagatan na ning api ing ninumang e makasulat a lagyu king libru na ning bie.

Kapahayagan 3:20

Lawan mu, makatalakad ku arap ning pasbul at tutuktuk; nung pakiramdaman na ning ninuman ing siwala ku at ibuklat ne ing pasbul, malaus ku king bale na at ya ampon aku miyabe kaming mangan.

Kapahayagan 7:17

Uling ing Kordero a atyu libutad ning tronu ya ing maging pastul da, at idala na la karing sibul ning danum a babie bie, at pulisan nang lubus ning Dios ing lua karing mata ra.